ఆనంద్ దేవరకొండ - వైష్ణవి చైతన్య.. ‘ఎపిక్’ నుండి క్రేజీ లవ్ మెలోడీ రిలీజ్!

Epic: ‘బేబీ’ లాంటి కల్ట్ బ్లాక్‌బస్టర్ తర్వాత యంగ్ అండ్ ప్రామిసింగ్ పెయిర్ ఆనంద్ దేవరకొండ, వైష్ణవి చైతన్య కాంబినేషన్‌లో వస్తున్న మోస్ట్ అవేటెడ్ యూత్‌ఫుల్ లవ్ స్టోరీ ‘ఎపిక్ – ఫస్ట్ సెమిస్టర్’ (EPIC – First Semester). నూతన దర్శకుడు ఆదిత్య హాసన్ తెరకెక్కిస్తున్న ఈ క్రేజీ ప్రాజెక్ట్ నుంచి తాజాగా సెకండ్ సింగిల్ “ప్రియ సఖి” లిరికల్ సాంగ్‌ను మేకర్స్ విడుదల చేశారు. ఫీల్ గుడ్ వైబ్స్‌తో సాగుతున్న ఈ మెలోడీ సాంగ్ ప్రస్తుతం మ్యూజిక్ లవర్స్‌ను అమితంగా ఆకట్టుకుంటోంది.

మనసును తాకే మ్యాజికల్ మెలోడీ

మొదటి పాట 'సంచారమే' సాధించిన భారీ విజయం తర్వాత, ఈ సరికొత్త లవ్ ట్రాక్ సినిమాపై అంచనాలను మరింత పెంచేసింది. ఒక యువకుడు తన మనసులోని అమాయకమైన ప్రేమను, ఇష్టాన్ని వ్యక్తపరిచేలా ఈ పాటను అద్భుతంగా డిజైన్ చేశారు. సురేష్ బనిశెట్టి అందించిన హృదయపూర్వకమైన సాహిత్య విలువలు యువతకు వెంటనే కనెక్ట్ అయ్యేలా ఉన్నాయి. గాయకుడు కేఎస్ హరిశంకర్ తన మృదువైన , ఎమోషనల్ వాయిస్‌తో ఈ పాటకు ప్రాణం పోశారు. ‘ఖుషి’ ఫేమ్ హేషమ్ అబ్దుల్ వహాబ్ అందించిన మ్యాజికల్ కంపోజిషన్, బ్యాక్‌గ్రౌండ్ ఇన్‌స్ట్రుమెంటేషన్ ఈ ట్రాక్‌ను ఒక పర్ఫెక్ట్ రిపీట్-మోడ్ మెలోడీగా మార్చేశాయి.

https://www.youtube.com/watch?v=vGSE8FuiqFg&t=73s

లండన్ వీధుల్లో ‘ఆదిత్య - కదలి’ కెమిస్ట్రీ

ఈ పాటలో లండన్ అందమైన లోకేషన్స్ , ఆహ్లాదకరమైన విజువల్స్ ప్రత్యేక ఆకర్షణగా నిలిచాయి. ఆనంద్ దేవరకొండ (ఆదిత్య), వైష్ణవి చైతన్య (కదలి) ల మధ్య కెమిస్ట్రీ అత్యంత ఫ్రెష్‌గా, బ్యూటిఫుల్‌గా ప్రెజెంట్ చేయబడింది. వీరిద్దరి ఆన్-స్క్రీన్ బాండింగ్ చూస్తుంటే ఈ చిత్రం థియేటర్లలో ప్రేక్షకులకు సరికొత్త అనుభూతిని ఇస్తుందని స్పష్టమవుతోంది. ఈ చిత్రంలో సీనియర్ నటుడు శివాజీ , వాసుకి కీలక పాత్రలు పోషిస్తున్నారు.

జూలై 2026లో థియేట్రికల్ రిలీజ్

ప్రముఖ నిర్మాణ సంస్థలు సితార ఎంటర్‌టైన్‌మెంట్స్ , ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య అత్యంత ప్రతిష్టాత్మకంగా ఈ చిత్రాన్ని నిర్మిస్తున్నారు. శ్రీకర స్టూడియోస్ సమర్పణలో రూపొందుతున్న ఈ యూత్‌ఫుల్ ఫ్యామిలీ ఎంటర్‌టైనర్ జూలై 2026 లో ప్రపంచవ్యాప్తంగా థియేటర్లలో విడుదల కానుంది. ఈ సరికొత్త పాట అందించిన పాజిటివ్ వైబ్స్‌తో సినిమా ప్రమోషన్స్ మరింత వేగవంతం కానున్నాయి.