బాలయ్య ‘NBK 111’.. టైటిల్ లీక్‌తో ఫ్యాన్స్‌లో ఫుల్ జోష్.!

NBK 111 : 'గాడ్ ఆఫ్ మాసెస్' నటసింహం నందమూరి బాలకృష్ణ , మాస్ డైరెక్టర్ గోపీచంద్ మలినేని కాంబినేషన్ అనగానే సినీ ప్రియుల్లో ఎలాంటి అంచనాలు ఉంటాయో ప్రత్యేకంగా చెప్పనక్కర్లేదు. గతంలో వీరి కాంబినేషన్‌లో వచ్చిన ‘వీరసింహారెడ్డి’ బాక్సాఫీస్ వద్ద రికార్డుల సునామీ సృష్టించి బ్లాక్‌బస్టర్ హిట్‌గా నిలిచింది. ఇప్పుడు మళ్లీ వీరిద్దరి కలయికలో రాబోతున్న వర్కింగ్ టైటిల్ 'NBK 111' ప్రాజెక్ట్‌పై టాలీవుడ్‌లోనూ, అభిమానుల్లోనూ ఆకాశాన్ని తాకే స్థాయి అంచనాలు నెలకొన్నాయి.

గాయం నుంచి కోలుకుంటున్న బాలయ్య.. త్వరలోనే సెట్స్‌లోకి..

ఇటీవల ఈ సినిమా చిత్రీకరణ కాకినాడ పరిసర ప్రాంతాల్లో జరుగుతున్న సమయంలో నందమూరి బాలకృష్ణకు స్వల్ప గాయం కావడం వల్ల షూటింగ్‌కు తాత్కాలికంగా విరామం ఇచ్చిన సంగతి తెలిసిందే. వైద్యుల సలహా మేరకు ప్రస్తుతం ఆయన విశ్రాంతి తీసుకుంటున్నారు. బాలయ్య పూర్తిస్థాయిలో కోలుకుంటుండటంతో త్వరలోనే తిరిగి షూటింగ్ సెట్స్‌లో అడుగుపెట్టేందుకు సిద్ధమవుతున్నారు. నటుడు సంపూర్ణ ఆరోగ్యంతో తిరిగి రానుండటంతో చిత్ర యూనిట్ సరికొత్త షెడ్యూల్స్ డిజైన్ చేసే పనిలో పడింది.

గోపీచంద్ మలినేని పక్కా స్కెచ్.. డిసెంబర్ 24 విడుదల లక్ష్యం..

దర్శకుడు గోపీచంద్ మలినేని బాలకృష్ణ కోలుకునే సమయంలోనే తదుపరి షూటింగ్ ప్లానింగ్‌ను అత్యంత వేగంగా సిద్ధం చేస్తున్నారు. అక్టోబర్, నవంబర్ నెలల్లో నాన్-స్టాప్‌గా వర్క్ చేసి, నవంబర్ చివరి నాటికి టాకీ పార్ట్‌తో పాటు పాటల చిత్రీకరణను కూడా పూర్తి చేయాలనే పక్కా ప్రణాళికతో ముందుకు సాగుతున్నారు. ఆ తర్వాత డిసెంబర్ నెలలో పోస్ట్ ప్రొడక్షన్ , ప్రమోషన్స్ పూర్తి చేసి, క్రిస్మస్ సెలవులను క్యాష్ చేసుకునేలా డిసెంబర్ 24న ఈ చిత్రాన్ని ప్రపంచవ్యాప్తంగా థియేటర్లలోకి తీసుకురావాలని మేకర్స్ లక్ష్యంగా పెట్టుకున్నారు.

ముంబై గ్యాంగ్‌స్టర్ బ్యాక్‌డ్రాప్.. పవర్‌ఫుల్ మాస్ ఎంటర్‌టైనర్..

గోపీచంద్ మలినేని మార్క్ విలక్షణమైన టేకింగ్, బాలకృష్ణ సీనియర్ మాస్ ఇమేజ్‌ను దృష్టిలో ఉంచుకుని ఈ చిత్రాన్ని హై-వోల్టేజ్ గ్యాంగ్‌స్టర్ బ్యాక్‌డ్రాప్‌లో ముంబై నేపథ్యంలో తెరకెక్కిస్తున్నారు. ఇప్పటికే విడుదలైన గ్లింప్స్ సినిమా రేంజ్ ఏంటో స్పష్టం చేయగా, సినిమాలో మాస్ ఎలిమెంట్స్, యాక్షన్ సీక్వెన్సెస్ పీక్స్ లో ఉంటాయని ఇండస్ట్రీ వర్గాలు చెబుతున్నాయి. వృద్ధి సినిమాస్ పతాకంపై వెంకట సతీష్ కిలారు నిర్మిస్తున్న ఈ భారీ బడ్జెట్ చిత్రానికి తమన్ సంగీతాన్ని అందిస్తున్నారు.

'GOD' లేక 'DADA'? ప్రచారంలో ఉన్న రెండు పవర్‌ఫుల్ టైటిల్స్..

ఈ సినిమా టైటిల్‌కు సంబంధించి ప్రస్తుతం టాలీవుడ్ వర్గాల్లో ఒక ఆసక్తికరమైన చర్చ నడుస్తోంది. ఈ ప్రాజెక్ట్ కోసం మేకర్స్ రెండు క్రేజీ మాస్ టైటిల్స్‌ను పరిశీలిస్తున్నట్లు తెలుస్తోంది. అందులో ఒకటి 'GOD' (గాడ్) కాగా, మరొకటి 'DADA' (దాదా). ఈ రెండు పేర్లు కూడా బాలయ్య మాస్ ఇమేజ్‌కి , ముంబై గ్యాంగ్‌స్టర్ కథాంశానికి పర్ఫెక్ట్‌గా సెట్ అవుతాయని భావిస్తున్నారు. ఈ రెండు షార్ట్ అండ్ పవర్‌ఫుల్ టైటిల్స్‌లో ఏదో ఒకదాన్ని చిత్ర బృందం త్వరలోనే అధికారికంగా ఖరారు చేయనుంది. వీటిలో ఏ టైటిల్ లాక్ అయినా కూడా 'NBK 111' పై ఉన్న అంచనాలు మరింత రెట్టింపు అవ్వడం ఖాయంగా కనిపిస్తోంది.