మాతృదినోత్సవం నాడు అన్నాకొణిదెల ఎమోషనల్ పోస్ట్.. పవన్, అంజనాదేవిల పిక్ వైరల్!
ప్రపంచవ్యాప్తంగా మాతృదినోత్సవ వేడుకలు ఘనంగా జరుగుతున్నాయి. పవన్ కళ్యాణ్ భార్య అన్నాకొణిదెల సోషల్ మీడియా వేదికగా పంచుకున్న ఒక సందేశం ప్రస్తుతం నెట్టింట వైరల్ అవుతోంది.
మాతృదినోత్సవం నాడు అన్నాకొణిదెల ఎమోషనల్ పోస్ట్.. పవన్, అంజనాదేవిల పిక్ వైరల్!
Anna Konidela: ప్రపంచవ్యాప్తంగా మాతృదినోత్సవ వేడుకలు ఘనంగా జరుగుతున్నాయి. ఈ సందర్భంగా ఆంధ్రప్రదేశ్ ఉప ముఖ్యమంత్రి, జనసేనాని పవన్ కళ్యాణ్ భార్య అన్నాకొణిదెల సోషల్ మీడియా వేదికగా పంచుకున్న ఒక సందేశం ప్రస్తుతం నెట్టింట వైరల్ అవుతోంది. మాతృత్వంలోని భిన్న కోణాలను, తల్లుల త్యాగాలను వివరిస్తూ ఆమె రాసిన మాటలు ప్రతి ఒక్కరి హృదయాన్ని హత్తుకుంటున్నాయి. ఈ సందర్భంగా పవన్ కళ్యాణ్ తన తల్లి అంజనాదేవితో ఉన్న ఒక అందమైన ఫోటోను కూడా ఆమె షేర్ చేశారు.
మాతృత్వంలో ఏ ఒక్కటీ తక్కువ కాదు
అన్నాకొణిదెల తన పోస్ట్లో మాతృత్వం అంటే కేవలం ఒకే రకమైన పద్ధతి కాదని పేర్కొన్నారు. "19 ఏళ్లకే తల్లులైన వారికి, 40 ఏళ్ల వరకు వేచి చూసి తల్లయిన వారికి.. సహజంగా బిడ్డలకు జన్మనిచ్చిన వారికి , ఐవీఎఫ్ (IVF), ఇంజెక్షన్లు, ఆసుపత్రుల చుట్టూ తిరుగుతూ ఎన్నో బాధలు అనుభవించి తల్లులైన వారికి అందరికీ నా వందనం" అంటూ ఆమె రాసుకొచ్చారు. సమాజంలో మాతృత్వం వెనుక ఉండే కష్టాలను ఆమె ఈ సందర్భంగా గుర్తు చేశారు.
ఒంటరి పోరాటం చేసే తల్లులకు …
ఉద్యోగాలకు వెళ్లే తల్లులు, ఇంట్లోనే ఉండి పిల్లలను పెంచే వారు, అలాగే ఒంటరిగా పిల్లల బాధ్యతను మోస్తున్న మహిళల గురించి అన్న ఆసక్తికర వ్యాఖ్యలు చేశారు. "పిల్లలను వదిలి ఉద్యోగానికి వెళ్తున్నామన్న బాధతో పనిచేసే తల్లులకు, ఒంటరిగా పిల్లలను పెంచుతున్న వారికి, తనను తాను సరిదిద్దుకుంటూనే మరో ప్రాణానికి ప్రాణం పోస్తున్న ప్రతి మహిళకు ఈ రోజు అంకితం" అని ఆమె పేర్కొన్నారు. గర్భస్రావం వల్ల బిడ్డను కోల్పోయిన తల్లుల బాధను, దత్తత తీసుకునే మహిళల గొప్ప మనసును కూడా ఆమె ఈ సందేశంలో ప్రస్తావించారు.
అంజనాదేవి - పవన్ కళ్యాణ్ పిక్ వైరల్
అన్నా కొణిదెల తన సుదీర్ఘ సందేశంతో పాటు, పవన్ కళ్యాణ్ తన తల్లి అంజనాదేవి పక్కన కూర్చుని ఉన్న బ్లాక్ అండ్ వైట్ ఫోటోను షేర్ చేశారు. పవన్ తన తల్లి పట్ల చూపే అపారమైన గౌరవం, వారి మధ్య ఉన్న అనుబంధం ఆ ఫోటోలో స్పష్టంగా కనిపిస్తోంది. "మహిళగా ఉండటానికి లేదా తల్లిగా ఉండటానికి ఒకే ఒక్క మార్గం అంటూ ఏదీ లేదు. ప్రతి మాతృత్వం వెనుక త్యాగం, భయం, శక్తి, అలసట , ప్రపంచానికి తెలియని వేల భావాలు ఉంటాయి" అని ఆమె ముగించారు.
https://www.instagram.com/p/DYJR0JIiWGs/?utm_source=ig_web_copy_link
నెటిజన్ల ప్రశంసలు
అన్నాకొణిదెల రాసిన ఈ పోస్ట్పై నెటిజన్లు ప్రశంసల వర్షం కురిపిస్తున్నారు. మాతృత్వాన్ని ఇంత లోతుగా, అర్థవంతంగా వివరించినందుకు ఆమెను అభినందిస్తున్నారు. ముఖ్యంగా ఐవీఎఫ్ , అడాప్షన్ గురించి ఆమె చేసిన వ్యాఖ్యలు సమాజంలో మార్పుకు సంకేతమని పలువురు అభిప్రాయపడుతున్నారు. మెగా అభిమానులు ఈ ఫోటోను షేర్ చేస్తూ అంజనాదేవికి, అన్నా కొణిదెలకి మాతృదినోత్సవ శుభాకాంక్షలు తెలుపుతున్నారు.
Srinivas Rao
శ్రీనివాస్ రావు జర్నలిజం రంగంలో దశాబ్దానికి పైగా అనుభవం కలిగిన కంటెంట్ రైటర్, సబ్ ఎడిటర్. రాజకీయాలు, ప్రాంతీయ, జాతీయ, అంతర్జాతీయ, లైఫ్ స్టైల్, క్రైమ్ వంటి విభిన్న అంశాల్లో లోతైన అవగాహనతో స్పష్టమైన, పాఠకులకు సులభంగా అర్థమయ్యే శైలిలో వార్తలను అందిస్తున్నారు. ప్రముఖ మీడియా సంస్థలు అయిన ఈనాడు, ఆంధ్రజ్యోతి, ఏపీ7 ఏఎంలో పనిచేసి విలువైన అనుభవాన్ని సంపాదించారు. విశ్లేషణాత్మక దృక్పథంతో వార్తలకు కొత్త కోణాన్ని జోడిస్తూ పాఠకుల విశ్వాసాన్ని పొందుతున్నారు.