Decoit Movie: అడివి శేష్ 'డెకాయిట్'‌ ఎక్కడ కొట్టిందంటే..?

Adivi Sesh: టాలీవుడ్‌లో మినిమం గ్యారెంటీ హీరో ఎవరు అంటే టక్కున గుర్తొచ్చే పేరు అడివి శేష్. క్షణం, గూఢచారి, మేజర్, హిట్-2.. ఇలా ఒకదాని తర్వాత ఒకటి సక్సెస్ సాధిస్తూ తనకంటూ ఒక ప్రత్యేకమైన మార్కెట్ సెట్ చేసుకున్నారాయన. అందుకే శేష్ సినిమా వస్తుందంటే చాలు.. థ్రిల్లింగ్‌తో కూడిన ఒక అదిరిపోయే 'ఫుల్ మీల్స్' దొరుకుతుందని ఆడియన్స్ గట్టిగా నమ్ముతారు. కానీ, తాజాగా విడుదలైన 'డెకాయిట్' విషయంలో మాత్రం అంచనాలు తలకిందులైనట్లు కనిపిస్తోంది.

మిశ్రమ స్పందన.. ఎక్కడ కొట్టింది?

సినిమా విడుదలైన తొలి షో నుంచే సోషల్ మీడియాలో మిశ్రమ స్పందన మొదలైంది. అడివి శేష్ గత సినిమాలతో పోలిస్తే, 'డెకాయిట్' ఆ స్థాయిలో లేదన్నది మెజారిటీ ప్రేక్షకుల మాట. ముఖ్యంగా శేష్ సినిమాల్లో ఉండే ఆ గ్రిప్పింగ్ స్క్రీన్ ప్లే, ఇంటెన్స్ డ్రామా ఈ మూవీలో మిస్ అయ్యాయని అభిమానులు పెదవి విరుస్తున్నారు.

ఫ్యాన్స్ ఆవేదన.. ఫుల్ మీల్స్ అనుకుంటే టిఫిన్ పెట్టారు

సినిమా చూసిన కొందరు నెటిజన్లు ఆసక్తికరమైన కామెంట్స్ చేస్తున్నారు. అడివి శేష్ సినిమా అంటే బిర్యానీ లాంటి ఫుల్ మీల్స్ ఉంటుందని థియేటర్‌కు వెళ్తే.. కేవలం టిఫిన్ పెట్టి పంపించేశారు అంటూ అసంతృప్తి వ్యక్తం చేస్తున్నారు. కథలో లోతు లేకపోవడం, కథనం నెమ్మదిగా సాగడం వంటి అంశాలు సినిమా రేంజ్‌ను తగ్గించాయని విమర్శలు వినిపిస్తున్నాయి.

ప్లస్ పాయింట్స్ ఏంటి?

సినిమా మొత్తంగా బాలేదని చెప్పలేం. అడివి శేష్ నటన, ఆయన స్క్రీన్ ప్రెజెన్స్ ఎప్పటిలాగే ఆకట్టుకున్నాయి. విజువల్స్ , మేకింగ్ వాల్యూస్ బాగున్నప్పటికీ, బలమైన ఎమోషన్ లేకపోవడం పెద్ద మైనస్ అయింది. శేష్ మార్క్ ట్విస్టులు ఈ సినిమాలో ఆశించిన స్థాయిలో లేవని సినీ విశ్లేషకులు అభిప్రాయపడుతున్నారు.