Bejjur: ముంజంపల్లిలో భక్తిశ్రద్ధలతో వినాయక నవరాత్రి ఉత్సవాలు ప్రారంభం

బెజ్జూర్: కొమురం భీం ఆసిఫాబాద్ జిల్లా బెజ్జూర్ మండలం ముంజంపల్లి: గ్రామంలోని కాలనీలో వినాయక నవరాత్రి ఉత్సవాలు భక్తిశ్రద్ధలతో ప్రారంభమయ్యాయి. గణేష్ విగ్రహాన్ని ప్రత్యేకంగా అలంకరించిన మండపంలో భక్తుల సమక్షంలో ప్రతిష్ఠించారు.

ఈ సందర్భంగా నిర్వహించిన ప్రత్యేక పూజా కార్యక్రమంలో గ్రామస్థులు, యువత, మహిళలు, చిన్నారులు పెద్ద సంఖ్యలో పాల్గొని గణనాథుడిని దర్శించుకుని ప్రత్యేక పూజలు నిర్వహించారు.

తొమ్మిది రోజుల పాటు గణేష్ నవరాత్రి ఉత్సవాలను ఘనంగా నిర్వహించేందుకు నిర్వాహకులు ఏర్పాట్లు చేశారు. ప్రతిరోజూ స్వామివారికి ప్రత్యేక పూజలు, అభిషేకాలు, భజనలు, హారతులు తదితర ఆధ్యాత్మిక కార్యక్రమాలు నిర్వహించనున్నట్లు తెలిపారు.

ఉత్సవాల సందర్భంగా కాలనీలో భక్తి వాతావరణం నెలకొంది. ఈ సందర్భంగా నిర్వాహకులు మాట్లాడుతూ గణేష్ నవరాత్రి ఉత్సవాలను గ్రామస్థుల సహకారంతో ప్రశాంతంగా, భక్తిశ్రద్ధలతో నిర్వహించనున్నట్లు తెలిపారు. ప్రతి ఒక్కరూ ఉత్సవాల్లో పాల్గొని గణనాథుడి ఆశీస్సులు పొందాలని కోరారు.

కార్యక్రమంలో గ్రామస్థులు, యువకులు, మహిళలు, భక్తులు పాల్గొన్నారు. విఘ్నాలను తొలగించి సుఖసంతోషాలు, ఆయురారోగ్యాలు ప్రసాదించాలని గణనాథుడిని భక్తులు వేడుకున్నారు.