Veldanda: వెల్దండ తహసీల్దార్ కార్తీక్ కుమార్కు ఘన సన్మానం!
Veldanda: ఉత్తమ తహసీల్దార్ అవార్డు గ్రహీత కార్తీక్ కుమార్ను చేర్కూర్ గ్రామ సర్పంచ్ బచ్చలకూర శ్రీనివాసులు ఆధ్వర్యంలో తహసీల్దార్ కార్యాలయంలో ఘనంగా సన్మానించారు.
Veldanda: వెల్దండ తహసీల్దార్ కార్తీక్ కుమార్కు ఘన సన్మానం!
వెల్దండ: నాగర్ కర్నూల్ జిల్లా వెల్దండ మండలం ఉత్తమ తాసిల్దార్ అవార్డు పొందిన కార్తీక్ కుమారు ను మంగళవారం మండల తాసిల్దార్ కార్యాలయంలో చేర్కూర్ గ్రామ సర్పంచ్ బచ్చలకూర శ్రీనివాసులు ఆధ్వర్యంలో తాసిల్దారును పూలమాల శాలువాలతో ఘనంగా సన్మానించారు.
ఈ సందర్భంగా సర్పంచ్ శ్రీనివాసులు మాట్లాడుతూ ప్రజలకు అంకితభావంతో సేవలు అందిస్తూ, ఉత్తమ అధికారిగా గుర్తింపు పొందడం అభినందనీయమని కొనియాడారు. భవిష్యత్తులో కూడా ఇదే విధమైన సేవా నిరతిని కొనసాగించాలని ఆకాంక్షించారు.
అనంతరం తాసిల్దార్ మాట్లాడుతూ.. తన సేవలను గుర్తించి అవార్డు అందించడం పట్ల సంతోషం వ్యక్తం చేశారు. ప్రజా సమస్యల పరిష్కారానికి పారదర్శకంగా కృషి చేస్తానని,ఈ గుర్తింపు తనపై బాధ్యతను మరింత పెంచిందని పేర్కొన్నారు.
ఈ కార్యక్రమంలో మాజీ ఎంపిటిసి భీమయ్య గౌడ్,ఉప సర్పంచ్ కొండల్, వార్డు మెంబర్లు పురుగుల లాలయ్య, సామ కుమారస్వామి, గొర్రె జంగయ్య, కేశమోని జంగయ్య తదితరులు పాల్గొన్నారు.