Migraine: మైగ్రేన్‌ నొప్పితో తల పగిలిపోతుందా..అయితే ఈ ఆకులే బెస్ట్‌!

Lemon Leaves for Migraine Relief: ఈ కాలంలో చిన్నా పెద్దా తేడా లేకుండా మైగ్రేన్‌ తలనొప్పి వేధిస్తోంది. డాక్టర్ల దగ్గరికి వెళ్లి ఎన్ని మందులు వాడినప్పటికీ అప్పటికీ ఉపశమనం కలిగినప్పటికీ మరుసటి రోజు నుంచి మళ్లీ మామూలే. అందుకే దాని నుంచి శాశ్వత పరిష్కారం కోసం సహజసిద్ధంగా ఉపశమనం పొందాలి అనుకుంటే మాత్రం ఈ ఇంటి చిట్కాను పాటించేయాలి మరి.

నిమ్మ ఆకులలో ఉండే అనేక పోషకాలు మైగ్రేన్ నొప్పిని తగ్గించడంలో ప్రభావవంతంగా పనిచేస్తాయి.అయితే నిమ్మ ఆకులను ఎలా ఉపయోగించాలి అనే దాని గురించి ఈ స్టోరీలో తెలుసుకుందాం.

ఉపయోగించే విధానం: నిమ్మ ఆకులను ఉడకబెట్టి హెర్బల్ టీ లాగా తాగవచ్చు. ఒకవేళ మీరు హెర్బల్ టీ తాగడానికి ఇష్టపడకపోతే, నిమ్మ ఆకులను నూరి ఆ పేస్ట్‌ను మీ నుదుటికి అప్లై చేయండి. అయితే, మెరుగైన ఫలితాల కోసం, నిమ్మ ఆకు నూనెను తయారు చేసుకుని ఉపయోగించడం మంచిది.

నూనె తయారుచేసే విధానం: నిమ్మ ఆకుల నుండి నూనె తయారు చేయడానికి, ఒక బాణిలో 200 మిల్లీలీటర్ల కొబ్బరి నూనె, ఆవ నూనె లేదా నువ్వుల నూనె పోయండి. తరువాత, ఒక గ్లాసు నీరు, 25 నిమ్మ ఆకులను మిక్సర్‌లో వేసి బాగా రుబ్బండి. ఇప్పుడు, ఈ మిశ్రమాన్ని వేడిగా ఉన్న నూనెలో కలపండి. నీరు పూర్తిగా ఆవిరయ్యే వరకు నూనెను తక్కువ మంట మీద మరిగించాలి. మంట ఆపివేసి, నూనెను చల్లారనివ్వండి, ఆ తర్వాత దానిని శుభ్రమైన, పొడి సీసాలో నిల్వ చేసుకోండి.ప్రతిరోజూ దీనిని తలకి మర్దన చేసుకోవడం వల్ల మైగ్రేన్‌ నుంచి శాశ్వత పరిష్కారం దొరుకుతుందని ఆయుర్వేద వైద్య నిపుణులు చెబుతున్నారు.

అత్యంత ప్రభావవంతమైన నివారణ: నిమ్మ ఆకులలో లినలూల్, లిమోనెన్ అనే రెండు సమ్మేళనాలు ఉంటాయి, ఇవి నాడీ వ్యవస్థను శాంతపరిచి, మైగ్రేన్ నొప్పిని తగ్గించడంలో సహాయపడతాయి. ఉత్తమ ఫలితాల కోసం, ప్రతి రాత్రి పడుకునే ముందు లేదా మీకు మైగ్రేన్ వచ్చినప్పుడల్లా నిమ్మ ఆకు నూనెతో మీ చర్మాన్ని నెమ్మదిగా మసాజ్ చేసుకోండి.