Nandyal: ఎమ్మెల్యే విరూపాక్షిపై కక్షసాధింపు తగదు శోభన్‌బాబు!

నంద్యాల: వైఎస్సార్‌సీపీ mla virupakshi పై ప్రభుత్వం వ్యవహరిస్తున్న తీరు పూర్తిగా రాజకీయ కక్షసాధింపునకు నిదర్శనమని వైఎస్సార్‌సీపీ ఎస్సీ సెల్ రాష్ట్ర ప్రధాన కార్యదర్శి గంగుమల శోభన్‌బాబు తీవ్రంగా ఖండించారు. ఇటీవల వరుసగా జరుగుతున్న చర్యలు, విచారణల పేరుతో ప్రతిపక్ష ప్రజాప్రతినిధులను లక్ష్యంగా చేసుకోవడం ప్రజాస్వామ్య స్ఫూర్తికి విరుద్ధమని అన్నారు. ప్రతిపక్షాన్ని భయపెట్టే కుట్రలు మానుకోవాలి

రాష్ట్రంలో ప్రజా సమస్యలను లేవనెత్తుతున్న వైఎస్సార్‌సీపీ నాయకులను కేసులు, నోటీసులు, విచారణలతో వేధించడం ద్వారా వారి గొంతు నొక్కివేయాలని ప్రభుత్వం ప్రయత్నిస్తోందని శోభన్‌బాబు విమర్శించారు. చట్ట సంస్థలను రాజకీయ ప్రయోజనాల కోసం ఉపయోగించడం ప్రజాస్వామ్య వ్యవస్థకు ప్రమాదకరమని పేర్కొన్నారు.

చట్టం ముందు అందరూ సమానమే ఏ వ్యక్తిపైనా ఆరోపణలు ఉంటే చట్ట ప్రకారం, పారదర్శకంగా విచారణ జరగాలని, కానీ రాజకీయ కక్షతో ఎంపిక చేసిన నాయకులను మాత్రమే లక్ష్యంగా చేసుకోవడం సమంజసం కాదన్నారు. విచారణ సంస్థలు స్వతంత్రంగా, నిష్పాక్షికంగా వ్యవహరించే వాతావరణాన్ని ప్రభుత్వం కల్పించాలని డిమాండ్ చేశారు.

ప్రజల దృష్టి మళ్లించే ప్రయత్నం రాష్ట్రంలో రైతులు, యువత, నిరుద్యోగులు, సామాన్య ప్రజలు ఎదుర్కొంటున్న సమస్యల నుంచి ప్రజల దృష్టిని మళ్లించేందుకే ప్రతిపక్ష నేతలపై ఇలాంటి చర్యలకు పాల్పడుతున్నారని శోభన్‌బాబు ఆరోపించారు. ప్రజా సమస్యలకు పరిష్కారం చూపాల్సిన ప్రభుత్వం రాజకీయ వేధింపులకే ప్రాధాన్యం ఇవ్వడం దురదృష్టకరమన్నారు.

వైఎస్సార్‌సీపీ వెనక్కి తగ్గదు ఇలాంటి రాజకీయ ఒత్తిళ్లు, బెదిరింపులు, కక్షసాధింపు చర్యలకు వైఎస్సార్‌సీపీ భయపడదని గంగుమల శోభన్‌బాబు స్పష్టం చేశారు. ప్రజల పక్షాన పోరాటాన్ని మరింత బలంగా కొనసాగిస్తామని, ప్రజాస్వామ్య విలువలను కాపాడేందుకు అన్ని ప్రజాస్వామ్య మార్గాల్లో ఉద్యమం చేస్తామని తెలిపారు.