Nandyal: రెవెన్యూ వసూళ్లు, లక్ష్యాలపై సమీక్ష నిర్వహించిన జిల్లా కలెక్టర్

నంద్యాల: 2026–27 ఆర్థిక సంవత్సరానికి సంబంధించి వివిధ రెవెన్యూ ఆర్జించే శాఖలకు నిర్దేశించిన లక్ష్యాలు, ఇప్పటివరకు సాధించిన ప్రగతి, బకాయిల వసూళ్లు, శాఖల మధ్య సమన్వయం తదితర అంశాలపై జిల్లా కలెక్టర్ అధ్యక్షతన గురువారం సాయంత్రం గంటలకు కలెక్టరేట్‌లోని వీడియో కాన్ఫరెన్స్ హాల్‌లో నెలవారీ సమీక్ష సమావేశం నిర్వహించారు.

జిల్లా కలెక్టర్ మాట్లాడుతూ ప్రతి శాఖకు నిర్దేశించిన త్రైమాసిక రెవెన్యూ లక్ష్యాలు, ఇప్పటివరకు సాధించిన పురోగతి, ప్రస్తుత ఆర్థిక సంవత్సరంలో లక్ష్యాల సాధనకు చేపడుతున్న చర్యలు, ఎదురవుతున్న సమస్యలను శాఖల వారీగా సమగ్రంగా సమీక్షించారు. రెవెన్యూ బకాయిల వసూళ్లకు ప్రత్యేక కార్యాచరణ ప్రణాళిక రూపొందించి, నిర్ణీత లక్ష్యాలను సాధించేలా అధికారులు సమర్థవంతంగా చర్యలు చేపట్టాలని సూచించారు.

శాఖల మధ్య సమన్వయం ద్వారా రెవెన్యూ వసూళ్లను మరింత మెరుగుపరచాలని, అమలు ప్రక్రియలో ఎదురయ్యే అంతరశాఖ సమస్యలను పరస్పర సమన్వయంతో పరిష్కరించుకోవాలని జిల్లా కలెక్టర్ ఆదేశించారు. ప్రస్తుత ఆర్థిక సంవత్సర లక్ష్యాల సాధనకు స్పష్టమైన కార్యాచరణ వ్యూహంతో ముందుకు సాగాలని అధికారులకు సూచించారు.

సమావేశంలో అధికారులు తమ శాఖలకు సంబంధించిన త్రైమాసిక రెవెన్యూ లక్ష్యాలు, సాధించిన ప్రగతి, బకాయిల వసూళ్ల పరిస్థితి, అంతర్ శాఖ సమన్వయ సమస్యలు, ప్రస్తుత సంవత్సర లక్ష్యాల సాధనకు చేపడుతున్న చర్యలు తదితర అంశాలను జిల్లా కలెక్టర్‌కు వివరించారు.

సమీక్ష సమావేశానికి కమర్షియల్ ట్యాక్స్, పోలీస్, మైన్స్ అండ్ జియాలజీ, లీడ్ డిస్ట్రిక్ట్ మేనేజర్, ప్రొహిబిషన్ అండ్ ఎక్సైజ్, ట్రెజరీ అండ్ అకౌంట్స్, లీగల్ మెట్రాలజీ, రిజిస్ట్రేషన్, విద్య, రవాణా, ప్రజా రవాణా, మున్సిపల్ అడ్మినిస్ట్రేషన్ అండ్ అర్బన్ డెవలప్‌మెంట్ శాఖలకు చెందిన అధికారులు, సంబంధిత అధికారులు పాల్గొన్నారు.