Dhone: డోన్ ఆర్టీసీ బస్టాండ్‌లో మదర్ ఫీడింగ్ రూమ్ ప్రారంభం

డోన్: డోన్ ఆర్టీసీ బస్టాండ్‌లో చిన్నారులకు తల్లిపాలు అందించే తల్లుల కోసం ప్రత్యేక మదర్ ఫీడింగ్ రూమ్‌ను జనసేన పార్టీ కార్యకర్త మైకేల్ తన సొంత ఖర్చులతో ఏర్పాటు చేశారు.

ఈ గదిని స్థానిక ఎమ్మెల్యే కోట్ల జయ సూర్యప్రకాశ్ రెడ్డి ప్రారంభించారు. ఈ సందర్భంగా మైకేల్ మాట్లాడుతూ, ఒకసారి బహిరంగ ప్రదేశంలో ఓ తల్లి చిన్నారికి పాలిస్తున్న సమయంలో ఆమె పడిన ఇబ్బందిని చూసి మనసు కలచివేసిందన్నారు.

అలాంటి పరిస్థితి మరే తల్లికి ఎదురుకాకూడదనే ఉద్దేశంతో ఈ గదిని నిర్మించినట్లు తెలిపారు. ప్రయాణికులైన తల్లులకు ఈ సౌకర్యం ఎంతో ఉపయోగపడుతుందని స్థానికులు అభినందించారు.