Kurnool: ఎమ్మిగనూరులో చిరంజీవి జన్మదిన వేడుకలు: అభిమానుల కోలాహలం!

Kurnool: కర్నూలు జిల్లా ఎమ్మిగనూరు పట్టణంలో మెగాస్టార్ చిరంజీవి జన్మదిన వేడుకలను ఘనంగా నిర్వహించారు. ఈ సందర్భంగా అభిమానుల తరఫున చిరంజీవికి హృదయపూర్వక జన్మదిన శుభాకాంక్షలు తెలిపారు. స్వయంకృషితో సినీ రంగంలో అగ్రస్థానానికి ఎదిగి కోట్లాది మంది అభిమానులను సంపాదించుకున్న చిరంజీవి.. సేవా కార్యక్రమాలతోనూ ప్రజల హృదయాల్లో ప్రత్యేక స్థానం సంపాదించుకున్నారని అభిమానూలు పేర్కొన్నారు.

రక్తదానం, నేత్రదానం వంటి సేవా కార్యక్రమాలను ప్రోత్సహించడంతో పాటు ప్రకృతి విపత్తులు, కరోనా వంటి క్లిష్ట పరిస్థితుల్లో బాధితులకు అండగా నిలిచారని కొనియాడారు. నాలుగు దశాబ్దాలకు పైగా సినీ రంగంలో తనదైన ముద్ర వేసిన చిరంజీవి.. క్రమశిక్షణ, అంకితభావం, నిరాడంబరతకు ప్రతీకగా నిలిచారని అన్నారు.

ఈ కార్యక్రమంలో షబ్బీర్, చిన్న ఆకుల నాగరాజు, మక్బుల్, లక్కీ ఖలీల్ , శంకర్, పార్టు, ఈరన్న, వెంకటేష్, మూగతి ఈరన్న, మహానంది, జనసేన నాయకులు నాగరాజు, రవికుమార్, రాజు, విజయ్, అనిల్, ఈరన్న, సునీల్, రెహమాన్, ఎర్రన్న, రుక్మాన్, అరవింద్ గౌడ్, తదితరులు పాల్గొన్నారు.