Pinapaka: పినపాక నియోజకవర్గానికి రూ.186 కోట్ల HAM నిధులు మంజూరు!

Pinapaka: రూ.186 కోట్ల HAM నిధులు మంజూరు చేయించిన ఎమ్మెల్యే పాయం వెంకటేశ్వర్లు గారికి కృతజ్ఞతలు పినపాక నియోజకవర్గ అభివృద్ధికి భారీ నిధులు తీసుకువచ్చిన ఎమ్మెల్యేకు అభినందనలు

తేది: 14-09-2026, మణుగూరు మండలం, ఎమ్మెల్యే క్యాంపు కార్యాలయం, జిల్లా భద్రాద్రి కొత్తగూడెం. పినపాక నియోజకవర్గంలోని బీటీ రహదారులు, వంతెనలు, బ్రిడ్జిల అభివృద్ధి కోసం హెచ్‌ఏఎం నిధుల నుంచి సుమారు రూ.186 కోట్ల భారీ నిధులు మంజూరు చేయించడం పట్ల మండల కాంగ్రెస్ పార్టీ నాయకులు హర్షం వ్యక్తం చేశారు.

నియోజకవర్గ ప్రజల చిరకాల రహదారి సమస్యలకు పరిష్కారం చూపేలా ఇంత భారీ మొత్తంలో నిధులు మంజూరు చేయించడంలో ప్రత్యేక చొరవ చూపిన పినపాక ఎమ్మెల్యే పాయం వెంకటేశ్వర్లుకి మండల కాంగ్రెస్ పార్టీ అధ్యక్షులు పిరినాకి నవీన్, జిల్లా ముఖ్య నాయకులు దొబ్బల వెంకటప్పయ్య, శివ సైదులు, జీవి, సర్పంచులు కలబోయిన మాధవరావు, పాల్వంచ రాములు, వార్డు సభ్యులు బర్ల శ్వేతన్, ప్రత్యేక ధన్యవాదాలు తెలిపారు.

హెచ్‌ఏఎం నిధులతో నియోజకవర్గంలోని రహదారులు, వంతెనలు మరింత అభివృద్ధి చెందడంతో గ్రామీణ ప్రాంతాలకు మెరుగైన రవాణా సౌకర్యాలు అందుబాటులోకి వస్తాయని, గ్రామాల మధ్య అనుసంధానం మరింత బలోపేతం అవుతుందని నాయకులు పేర్కొన్నారు. దసరా పండుగలోపే పనులు ప్రారంభించేలా చర్యలు తీసుకుంటుండటం పట్ల వారు హర్షం వ్యక్తం చేశారు.

అదేవిధంగా పనులు పూర్తయిన అనంతరం సుమారు 15 సంవత్సరాలపాటు నిర్వహణ బాధ్యత సంబంధిత సంస్థలదే ఉండే విధంగా హెచ్‌ఏఎం విధానంలో పనులు చేపట్టడం వల్ల రహదారుల నాణ్యత, నిర్వహణకు మరింత భరోసా ఉంటుందని తెలిపారు.

ఈ నిధుల మంజూరుకు సహకరించిన రాష్ట్ర ప్రభుత్వం, ఆర్‌అండ్‌బీ శాఖ మంత్రి కోమటిరెడ్డి వెంకటరెడ్డికి ప్రత్యేక కృతజ్ఞతలు తెలిపారు. పినపాక నియోజకవర్గ అభివృద్ధికి నిరంతరం కృషి చేస్తూ భారీ స్థాయిలో నిధులు తీసుకువస్తున్న ఎమ్మెల్యే పాయం వెంకటేశ్వర్లుకి నియోజకవర్గ ప్రజల తరఫున ప్రత్యేక ధన్యవాదాలు తెలిపారు.