Ramagiri: రామగిరి జల్లారంలో డిజిటల్ రేషన్ కార్డుల పంపిణీ

రామగిరి: తెలంగాణ ప్రభుత్వం ప్రతిష్టాత్మకంగా ప్రవేశపెట్టిన డిజిటల్ రేషన్ కార్డుల పంపిణీ కార్యక్రమం పెద్దపల్లి జిల్లా రామగిరి మండలం జల్లారం గ్రామపంచాయతీలో సర్పంచ్ యమున శ్రీనివాస్ ఆధ్వర్యంలో నిర్వహించారు. అర్హులైన లబ్ధిదారులకు డిజిటల్ రేషన్ కార్డులను అందజేశారు.

ఈ సందర్భంగా సర్పంచ్ యమున శ్రీనివాస్ మాట్లాడుతూ.. ప్రభుత్వం అందిస్తున్న డిజిటల్ రేషన్ కార్డుల ద్వారా అర్హులైన కుటుంబాలకు ప్రభుత్వ సంక్షేమ పథకాలు మరింత సులభంగా అందే అవకాశం ఉంటుందని తెలిపారు. అర్హత కలిగిన ప్రతి కుటుంబానికి ప్రభుత్వ పథకాల ప్రయోజనాలు అందేలా అధికారులు, ప్రజాప్రతినిధులు సహకరించాలని కోరారు.

డిజిటల్ రేషన్ కార్డుల ద్వారా లబ్ధిదారుల వివరాలు మరింత పారదర్శకంగా నమోదు కావడంతో పాటు, ప్రభుత్వ సంక్షేమ పథకాల అమలులో సాంకేతికతను మరింత సమర్థవంతంగా వినియోగించుకునే అవకాశం ఉంటుందని పేర్కొన్నారు. అర్హత ఉన్న వారు తమ వివరాల్లో ఏవైనా సమస్యలు ఉంటే సంబంధిత అధికారులను సంప్రదించాలని సూచించారు.

ఈ కార్యక్రమంలో ఉపసర్పంచ్, వార్డు సభ్యులు, గ్రామశాఖ అధ్యక్షుడు, గ్రామపంచాయతీ సిబ్బంది, లబ్ధిదారులు, గ్రామ ప్రజలు తదితరులు పాల్గొన్నారు. డిజిటల్ రేషన్ కార్డులు అందుకున్న లబ్ధిదారులు ప్రభుత్వానికి, గ్రామపంచాయతీ పాలకవర్గానికి కృతజ్ఞతలు తెలిపారు.