Rajanna Sircilla: నీటి నిల్వల్లో ఎలాంటి మార్పు లేదు.. మిడ్ మానేర్ అప్‌డేట్!

రాజన్న సిరిసిల్ల జిల్లా: బోయిన్ పల్లి మండలం కొదురుపాక మిడ్ మానేర్ రిజర్వాయర్ నీటి నిల్వల తాజా వివరాలు విడుదలయ్యాయి.ఉదయం 6:00 గంటల నాటికి రిజర్వాయర్ నీటిమట్టం 307.53 మీటర్లుగా నమోదైంది. పూర్తి స్థాయి నీటిమట్టం 318 మీటర్లు కాగా, ప్రస్తుతం రిజర్వాయర్‌లో 8.012 టీఎంసీల నీరు నిల్వగా ఉంది. మొత్తం సామర్థ్యం 27.55 టీఎంసీలు. రిజర్వాయర్‌కు ప్రస్తుతం ఎటువంటి ఇన్‌ఫ్లోలు లేవు. ఎస్‌వైపీ (GPH), ఎస్‌ఆర్‌ఎస్‌పీ, అలాగే మానేర్, మూలవాగు, ఎఫ్‌ఎఫ్‌సీ ఇన్‌లెట్ల ద్వారా కూడా వరద నీరు ప్రవేశించడం లేదు.

అవుట్‌ఫ్లో పరంగా మొత్తం 180 క్యూసెక్కుల నీరు విడుదల అవుతోంది. ఇందులో ఆవిరీభవనం (Evaporation) ద్వారా 135 క్యూసెక్కులు, ఎంబీ ద్వారా 45 క్యూసెక్కుల నీరు బయటకు వెళ్తోంది. రైట్ కెనాల్, లెఫ్ట్ కెనాల్, ప్యాకేజ్-9, ప్యాకేజ్-10, జీసీఎల్ఎస్ తదితర మార్గాల ద్వారా ప్రస్తుతం నీటి విడుదల లేదు. రిజర్వాయర్ స్పిల్‌వే గేట్లు ఏవీ ఎత్తలేదు. అలాగే రెగ్యులేటర్ గేట్లు కూడా మూసివేసి ఉన్నాయి. ప్రస్తుతం నీటి నిల్వలు స్థిరంగా కొనసాగుతున్నాయని అధికారులు తెలిపారు.