Kothapalli: చేనేత సహకార సంఘ ఎన్నికల్లో బీఆర్ఎస్ క్లీన్ స్వీప్!

కరీంనగర్: కరీంనగర్ జిల్లా కొత్తపల్లి చేనేత సహకార సంఘ ఎన్నికల్లో బీఆర్ఎస్ మద్దతుదారులైన అభ్యర్థులు ఘన విజయం సాధించారు.

ఈ సందర్భంగా నూతనంగా ఎన్నికైన ప్రతినిధులు మాజీ మంత్రి, కరీంనగర్ ఎమ్మెల్యే గంగుల కమలాకర్ ను ఆయన నివాసంలో మర్యాదపూర్వకంగా కలిశారు.

ఈ సందర్భంగా ఎమ్మెల్యే గంగుల కమలాకర్ విజేతలకు శాలువాలు కప్పి సన్మానించి, మిఠాయిలు తినిపించి అభినందనలు తెలిపారు. చేనేత సహకార సంఘాన్ని మరింత బలోపేతం చేసే దిశగా కృషి చేయాలని సూచించారు.

ఈ కార్యక్రమంలో సంఘ అధ్యక్షుడు దూస మునీందర్, ఉపాధ్యక్షుడు నడిమెట్ల చంద్రమౌళి, కోశాధికారి సిరిపురం హనుమండ్లు, డైరెక్టర్లు ఎలిగేటి రాజేశం, కోడూరి రాజేశం, బీఆర్ఎస్ నాయకులు జమీల్ ఉద్దీన్, ఎస్‌కే బాబా, రాంబాబు, శ్రీకాంత్, ఫక్రుద్దీన్, సుధాకర్, కనకరాజు తదితరులు పాల్గొన్నారు.