Peddapalli: సంక్షేమ వసతి గృహాల్లో సౌకర్యాలు మెరుగుపరచాలి కలెక్టర్!

Peddapalli: సంక్షేమ శాఖ వసతి గృహాల్లో ఉంటున్న చిన్నారులు, వృద్ధులకు మెరుగైన సౌకర్యాలు, భద్రత అందించడంలో అధికారులు ప్రత్యేక శ్రద్ధ వహించాలని పెద్దపల్లి జిల్లా కలెక్టర్ కోయ శ్రీహర్ష ఆదేశించారు. సుల్తానాబాద్ మండలంలోని దివ్యాంగుల పాఠశాల, వృద్ధాశ్రమం, బాల సదనం, మండల విద్యా వనరుల కేంద్రాన్ని, పెద్దపల్లిలోని రంగంపల్లి బాల రక్షక భవన్‌ను ఆయన ఆకస్మికంగా తనిఖీ చేశారు.

​కలెక్టర్ ఆదేశాల్లోని కీలక ముఖ్యాంశాలు:

​పరిశుభ్రత, ఆహార నాణ్యత డార్మిటరీలు, వంటశాలలను పరిశీలించిన కలెక్టర్ పరిశుభ్రత పాటించాలని, మెరుగైన నాణ్యమైన ఆహారాన్ని అందించాలని స్పష్టం చేశారు.

​సమయపాలన తప్పనిసరి సిబ్బంది ప్రతి ఒక్కరూ నిర్ణీత సమయానికి హాజరై, తమకు కేటాయించిన జాబ్ చార్ట్ ప్రకారం బాధ్యతాయుతంగా పనిచేయాలని ఆదేశించారు. విధుల పట్ల నిర్లక్ష్యం వహిస్తే సహించేది లేదని హెచ్చరించారు.

​POCSO కేసులపై సమీక్ష బాలలపై లైంగిక వేధింపులు, హింస వంటి ఘటనలు జరిగినప్పుడు బాధిత చిన్నారులకు సకాలంలో రక్షణ, కౌన్సెలింగ్, ఉచిత సంరక్షణ సేవలు అందించాలన్నారు.

​భరోసా కేంద్రాలు & అవగాహన బాల రక్షణ వ్యవస్థలపై గ్రామస్థాయి నుంచి ప్రజల్లో విస్తృత అవగాహన కల్పించాలని, బాధిత పిల్లలకు వెంటనే సాయం అందేలా శాఖలు సమన్వయంతో పనిచేయాలని సూచించారు.ఈ తనిఖీల్లో సంబంధిత శాఖల అధికారులు, సంస్థల నిర్వాహకులు, సిబ్బంది పాల్గొన్నారు.