Mamidikuduru: నగరంలో ఘనంగా మహమ్మద్ ప్రవక్త జయంతోత్సవం!

Mamidikuduru: బీ.ఆర్‌ అంబేడ్కర్‌ కోనసీమ జిల్లా, మామిడికుదురు మండలం నగరంలో ఇస్లాం మత ప్రవక్త మహమ్మద్‌ జయంతోత్సవాన్ని ఘనంగా నిర్వహించారు. ఈ సందర్భంగా బడే బీబీ పంజా వద్ద మీలాద్‌ (ఉర్దూ కవుల సమ్మేళనం) నిర్వహించారు.

ఈ కార్యక్రమంలో ప్రబోధకుడు అక్బర్‌ షా మీలాద్‌ ఆలాపించారు. పలువురు కవులు మహమ్మద్‌ ప్రవక్త జీవిత విశేషాలు, బోధనలు, మహిమలను భక్తులకు వివరించారు. అనంతరం సమ్మేళనంలో పాల్గొన్న కవులను నిర్వాహకులు సత్కరించి ప్రోత్సాహకాలను అందజేశారు. ఈ కార్యక్రమంలో ముస్లిం మత పెద్దలు, భక్తులు, స్థానికులు పాల్గొన్నారు.