Rayachoti: రాయచోటి వద్ద టమోటా లారీ బోల్తా.. NH-40 పై స్తంభించిన ట్రాఫిక్!

రాయచోటి (అన్నమయ్య జిల్లా): అన్నమయ్య జిల్లా రాయచోటికి సమీపంలోని ఎర్రగుంట్ల NH-40 వద్ద భారీ ప్రమాదం జరిగింది. చిత్తూరు నుండి కడప మీదుగా రాజస్థాన్‌కు టమోటా లోడుతో వెళ్తున్న RJ11 GC 4308 నెంబర్ గల లారీ ఎర్రగుంట్ల వద్ద అదుపుతప్పి బోల్తా పడింది. ఈ ప్రమాదంలో డ్రైవర్ అదృష్టవశాత్తు స్వల్ప గాయాలతో బయటపడ్డాడు.

లారీ NH-40 జాతీయ రహదారిపై అడ్డంగా పడిపోవడంతో వాహనాల రాకపోకలకు తీవ్ర అంతరాయం ఏర్పడింది. రోడ్డుపై టమోటాలు చెల్లాచెదురుగా పడిపోయాయి. భారీ వాహనాల రాకపోకలకు అంతరాయం లేకుండా పోలీసు సిబ్బంది తక్షణ చర్యలు తీసుకోవాలని వాహనదారులు కోరుతున్నారు.