Donald Trump: ట్రంప్ దూకుడుకు బ్రేక్.. యూఎస్ సెనేట్ సంచలన తీర్మానం!

Donald Trump: అమెరికా అధ్యక్షుడు డోనాల్డ్ ట్రంప్‎కు బిగ్‎షాక్ తగిలింది. ఇరాన్ పై సైనిక చర్యలు ఆపాలని ట్రంప్‎ను యూఎస్ సెనెట్ ఆదేశించింది. కాంగ్రెస్ అనుమతి లేకుండా ఇరాన్ తో ఘర్షణలకు దిగకుండా అమెరికా బలగాలను ఉపసంహరించుకోవాలని తీర్మానం ఆమోదించింది. ఈ తీర్మానానికి అనుకూలంగా 50 ఓట్లు, వ్యతిరేకంగా 48 ఓట్లు వచ్చాయి. అధికార రిపబ్లికన్ పార్టీకి చెందిన నలుగురు సెనేటర్లు డెమోక్రాట్లతో కలిసి ఈ తీర్మానానికి మద్దతు తెలిపారు.

సెనేట్‎లో ట్రంప్‎కు చెందిన రిపబ్లికన్ పార్టీకే మెజార్టీ ఉన్నప్పటికీ .. నలుగురు రిపబ్లికన్ సెనేటర్లు పార్టీ లైన్ దాటి ప్రతిపక్ష డెమోక్రాట్లతో కలిసి తీర్మానానికి అనుకూలంగా ఓటు వేశారు. ఇప్పటికే ఈ బిల్లు దిగువ సభలో నెగ్గగా.. ఇప్పుడు సెనేట్ కూడా ఆమోదించడంతో కాంగ్రెస్ అనుమతి లేకుండా ట్రంప్ ఇరాన్ పై ఏకపక్షంగా సైనిక దాడులను కొనసాగించడానికి వీల్లేదని స్పష్టం అయ్యింది. ఇరాన్‎తో ఘర్షణలు ప్రారంభమైన తర్వాత అమెరికా కాంగ్రెస్ లోని రెండు సభలు ఇలాంటి తీర్మానాన్ని ఆమోదించడం ఇదే తొలిసారి.