Hyderabad: హైదరాబాద్‌లో లక్ష్మీ మంచు ఆధ్వర్యంలో హై జ్యువెలరీ షోకేస్!

Hyderabad: లక్ష్మీ మంచు × హౌస్ ఆఫ్ రోజ్: హైదరాబాద్‌లో ప్రత్యేక హై జ్యువెలరీ షోకేస్

లక్ష్మీ మంచు సహకారంతో, భారతదేశంలోని ప్రముఖ లగ్జరీ జ్యువెలరీ బ్రాండ్ హౌస్ ఆఫ్ రోజ్ హైదరాబాద్‌లోని ఐటీసీ హోటల్లో ప్రత్యేక హై జ్యువెలరీ షోకేస్‌ను నిర్వహించింది. అత్యంత ఆత్మీయంగా నిర్వహించిన ఈ కార్యక్రమంలో నగరంలోని ప్రముఖ పారిశ్రామికవేత్తలు, వ్యాపారవేత్తలు, ఆభరణాల కలెక్టర్లు, ఫ్యాషన్ అభిరుచి గల ప్రముఖులు, హై నెట్‌వర్త్ వ్యక్తులు పాల్గొన్నారు.

సాంప్రదాయ ఆభరణాల ప్రదర్శనలకు భిన్నంగా, ఈ షోకేస్‌ను వ్యక్తిగత అనుభూతిని కలిగించేలా రూపొందించారు. అతిథులు హౌస్ ఆఫ్ రోజ్ రూపొందించిన అరుదైన వజ్రాలు, విలువైన రంగురాళ్లు, ఒకే ఒక్క నమూనాగా రూపొందించిన హై జ్యువెలరీ కలెక్షన్‌ను ప్రశాంతమైన వాతావరణంలో వీక్షించే అవకాశం పొందారు. ప్రతి సందర్శకుడికి వ్యక్తిగతంగా సంప్రదింపులు అందించేలా ప్రత్యేక ఏర్పాట్లు చేశారు.