Hyderabad: వేస్ట్ టు బెస్ట్: JIFD విద్యార్థుల అద్భుత ఫ్యాషన్ డిజైన్స్!

హైదరాబాద్: ప్రపంచ ఫ్యాషన్ డే సందర్భంగా జూబ్లీ ఇన్‌స్టిట్యూట్ ఆఫ్ ఫ్యాషన్ డిజైన్ (JIFD) ఆధ్వర్యంలో విద్యార్థులు ప్రత్యేక సృజనాత్మక కార్యక్రమాలను నిర్వహించారు.

ఈ సందర్భంగా విద్యార్థులు ఉపయోగించిన పాత పాలిథిన్ కవర్లతోను ప్యాకింగ్ కు ఉపయోగించే అల్యూ మినియం రాపర్లతో అందమైన, వినూత్నమైన దుస్తులను రూపొందించారు. “బెస్ట్ అవుట్ ఆఫ్ వేస్ట్” కాన్సెప్ట్‌తో చేపట్టిన ఈ కార్యక్రమంలో విద్యార్థులు తమ ఊహాశక్తి, డిజైన్ నైపుణ్యాలను అద్భుతంగా ప్రదర్శించారు. అలాగే గార్మెంట్ మోర్ఫాలజీ ఆధారంగా వివిధ కళాకృతులను రూపొందించి ఫ్యాషన్‌పై తమ సృజనాత్మక దృక్పథాన్ని చాటుకున్నారు.

ఈ సందర్భంగా సంస్థ మేనేజింగ్ డైరెక్టర్ మేఘన విద్యార్ధుల తో మాట్లాడుతూ ఫ్యాషన్ అంటే కేవలం దుస్తుల రూపకల్పన మాత్రమే కాదని, కొత్త ఆలోచనలకు రూపం ఇవ్వడం కూడా ఫ్యాషన్‌లో భాగమేనని విద్యార్థులకు తెలియ చేశారు. ఈ కార్యక్రమంలో జూబ్లీ ఇనిస్టిట్యూట్ ఆఫ్ ఫ్యాషన్ డిజైన్ సంస్థ మేనేజింగ్ డైరెక్టర్ మేఘన, మేనేజర్ సౌమ్య, ఫ్యాకల్టీ సుధారాణి, దివ్య, అఖిల జూబ్లీ ఇనిస్టిట్యూట్ ఆఫ్ ఫ్యాషన్ డిజైన్ విద్యార్థులు పాల్గొన్నారు.