Gachibowli: 4 గంటల్లో కిడ్నాప్ కేస్ ఛేదన చిన్నారులను కాపాడిన పోలీసులు!

Gachibowli: గచ్చిబౌలి పోలీస్ స్టేషన్ పరిధిలో జరిగిన ఇద్దరు చిన్నారుల కిడ్నాప్ కేసును గచ్చిబౌలి పోలీసులు, కేవలం 4 గంటల్లో ఛేదించి, ఇద్దరు చిన్నారులను సురక్షితంగా రక్షించారు.తేదీ 25.08.2026న రాత్రి 02:00 గంటలకు, శ్రీదేవిడ్ ముర్ము, తండ్రి: లఖన్ ముర్ము, వయస్సు: 46 సంవత్సరాలు, వృత్తి: కూలీ పని, నివాసం: లేబర్ క్యాంపు, కొండాపూర్గచ్చిబౌలి పోలీస్ స్టేషన్‌లో ఫిర్యాదు చేశారు.

ఫిర్యాదు ప్రకారం, ఫిర్యాదుదారుని కుమార్తెప్రమీలా ముర్ము, వయస్సు 4 సంవత్సరాలు, అలాగే మరో కూలీ కుమార్తెసంగీత హేమరామ్, వయస్సు 3½ సంవత్సరాలు, తేదీ24.08.2026న సాయంత్రం సుమారు 4:00 గంటలకులేబర్ క్యాంపులో ఆడుకుంటున్న సమయంలో అదే లేబర్ క్యాంపులో నివాసం ఉంటున్నచాకు సోరెన్, తండ్రి: మున్షీ సోరెన్, వయస్సు: 45 సంవత్సరాలు, ఇద్దరు చిన్నారులను అక్కడి నుండి తీసుకొని వెళ్లిపోయినట్లు ఫిర్యాదుదారుడు గుర్తించారు.ఫిర్యాదు ఆధారంగా గచ్చిబౌలి పోలీస్ స్టేషన్‌లో కేసు నమోదు చేసి, చిన్నారులను గుర్తించి రక్షించేందుకు వెంటనే చర్యలు ప్రారంభించారు.

నిందితుడిపై అనుమానం రావడంతో ప్రత్యేక పోలీసు బృందాలను ఏర్పాటు చేసి, నిందితుడు మరియు చిన్నారుల వివరాలను వివిధ పోలీస్ స్టేషన్లు, రైల్వే అధికారులకు అందజేశారు.ఒక పోలీసు బృందాన్ని రైల్వే స్టేషన్లు మరియు ఇతర సాధ్యమైన ప్రయాణ/రవాణా మార్గాలను తనిఖీ చేయడానికి నియమించారు. ముఖ్యంగా కోల్‌కతా వైపు వెళ్లే మార్గాల్లో ఉన్న రైల్వే పోలీస్ స్టేషన్లు మరియు లా అండ్ ఆర్డర్ పోలీస్ స్టేషన్లకు అలర్ట్‌లు పంపించబడ్డాయి. అదేవిధంగా ఘట్‌కేసర్, జనగాం మరియు ఖాజీపేట్ రైల్వే స్టేషన్లకు కూడా సమాచారం మరియు అలర్ట్‌లు పంపించబడ్డాయి.

చిన్నారుల పేర్లు :

1. ప్రమీలా ముర్ము, తండ్రి: దేవిడ్ ముర్ము, వయస్సు: 4 సంవత్సరాలు

2. సంగీత హేమరామ్, తండ్రి: హోపన్ హేమరామ్, వయస్సు: 3½ సంవత్సరాలు

ఇద్దరు చిన్నారులను సురక్షితంగా రక్షించి గచ్చిబౌలి పోలీస్ స్టేషన్‌కు తీసుకువచ్చి, అవసరమైన చట్టపరమైన చర్యల అనంతరం వారి తల్లిదండ్రులు/సంరక్షకులకు అప్పగించారు.

ఫిర్యాదు అందిన కేవలం 4 గంటల్లోనే కేసును ఛేదించి ఇద్దరు చిన్నారులను రక్షించడం, గచ్చిబౌలి పోలీసుల తక్షణ స్పందన, సమర్థవంతమైన సాంకేతిక దర్యాప్తు, సమన్వయం మరియు అంకితభావానికి నిదర్శనం.

నిందితుడి వివరాలు:

చాకు సోరెన్, తండ్రి మున్షీ సోరెన్, వయస్సు: 45 సంవత్సరాలు,నివాసం: లేబర్ క్యాంపు, చిరెక్ పబ్లిక్ స్కూల్ సమీపంలో, గచ్చిబౌలి, సైబరాబాద్.స్వస్థలం: పశ్చిమ బెంగాల్ రాష్ట్రం.విచారణ సందర్భంగా నిందితుడు పశ్చిమ బెంగాల్‌లోనికరండిఘి పోలీస్ స్టేషన్‌లో నమోదైన రెండు క్రిమినల్ కేసుల్లోతన ప్రమేయం ఉన్నట్లు వెల్లడించాడు. వాటిలో ఒకటి హత్యాయత్నానికి, మరొకటి అత్యాచారానికి సంబంధించిన కేసు అని తెలిపాడు. అలాగే, ఈ కేసులకు సంబంధించి పశ్చిమ బెంగాల్‌లోని ఇస్లాంపూర్ జైలులోఐదు సంవత్సరాలు జైలు శిక్ష అనుభవించినట్లువెల్లడించాడు.

నిందితుడు పిల్లలను కిడ్నాప్ చేసి, ఆర్థిక లాభం కోసం అవసరమైన వ్యక్తులకు విక్రయించడంతో పాటు, బాధితులను భిక్షాటన కోసం ఉపయోగించే కార్యకలాపాలలో కూడా తన ప్రమేయం ఉన్నట్లు విచారణలో వెల్లడించాడు. ఈ విషయాలను పోలీసులు ధృవీకరిస్తూ, అతని ఇతర నేర కార్యకలాపాలు మరియు గత నేర చరిత్రపై సమగ్రంగా విచారణ చేస్తున్నారు.ధృవీకరణ పూర్తయిన అనంతరం తదుపరి వివరాలు తెలియజేయబడతాయి.

లేబర్ క్యాంపులు, భద్రతా సిబ్బంది మరియు నిర్మాణ సంస్థలకు పోలీసుల సూచనలు, గచ్చిబౌలి పోలీస్ స్టేషన్ పరిధిలో పెద్ద సంఖ్యలో లేబర్ క్యాంపులు మరియు నిర్మాణ ప్రాజెక్టులు కొనసాగుతున్న నేపథ్యంలో, చిన్నారులు మరియు అక్కడ నివసించే వారి భద్రత దృష్ట్యా బిల్డర్లు, కాంట్రాక్టర్లు, లేబర్ క్యాంపు నిర్వాహకులు, సెక్యూరిటీ ఏజెన్సీలు మరియు భద్రతా సిబ్బంది క్రింది జాగ్రత్తలు తీసుకోవాలని గచ్చిబౌలి పోలీసులు సూచిస్తున్నారు:

లేబర్ క్యాంపులో నివసించే కూలీలు, ఇతర వ్యక్తులు మరియు సందర్శకుల పూర్తి వివరాలతో సరైన రిజిస్టర్ నిర్వహించాలి. సందర్శకులు మరియు గుర్తుతెలియని వ్యక్తుల రాకపోకల వివరాలను సెక్యూరిటీ రిజిస్టర్‌లో నమోదు చేయాలి.సరైన గుర్తింపు మరియు ధృవీకరణ లేకుండా గుర్తుతెలియని లేదా అనధికారిక వ్యక్తులను లేబర్ క్యాంపులోకి అనుమతించకూడదు.

ముఖ్యంగా రాత్రి మరియు తెల్లవారుజామున సమయాల్లో భద్రతా సిబ్బంది అప్రమత్తంగా ఉండాలి.లేబర్ క్యాంపులో నివసించే కూలీలు, తాత్కాలిక కార్మికులు మరియు ఇతర వ్యక్తుల గుర్తింపు, పూర్వచరిత్రలను క్రమం తప్పకుండా ధృవీకరించాలి.

గచ్చిబౌలి పోలీసులు లేబర్ క్యాంపు నిర్వాహకులు, సెక్యూరిటీ ఏజెన్సీలు, కాంట్రాక్టర్లు మరియు ప్రజలందరూ అప్రమత్తంగా ఉండి, చిన్నారుల భద్రతను కాపాడేందుకు మరియు ఇటువంటి సంఘటనలను నివారించేందుకు పోలీసులతో సహకరించాలని విజ్ఞప్తి చేస్తున్నారు.