Medchal: మేడ్చల్‌లో ఫీజు రీయింబర్స్‌మెంట్ కోసం బీఆర్‌ఎస్ ర్యాలీ!

Medchal: మేడ్చల్‌లో ఫీజు రీయింబర్స్‌మెంట్ బకాయిల విడుదల కోసం బీఆర్‌ఎస్ ఆధ్వర్యంలో ర్యాలీ నిర్వహించారు. రూ.10 వేల కోట్లకు పైగా ఉన్న ఫీజు రీయింబర్స్‌మెంట్ బకాయిలను వెంటనే విడుదల చేయాలని బీఆర్‌ఎస్ నాయకులు డిమాండ్ చేశారు. విద్యార్థుల భవిష్యత్తును దృష్టిలో ఉంచుకుని పెండింగ్‌లో ఉన్న ఫీజు రీయింబర్స్‌మెంట్ నిధులను తక్షణమే విడుదల చేయాలని కోరారు.

ఎన్నికల సమయంలో ఇచ్చిన హామీలను కాంగ్రెస్ ప్రభుత్వం వెంటనే నెరవేర్చాలని బీఆర్‌ఎస్ నాయకులు డిమాండ్ చేశారు. విద్యార్థుల సమస్యలను పరిష్కరించకపోతే ఉద్యమాన్ని మరింత ఉధృతం చేస్తామని హెచ్చరించారు. ఈ కార్యక్రమంలో 297, 298 డివిజన్ల బీఆర్‌ఎస్ నాయకులు, విద్యార్థులు పాల్గొన్నారు.