రూ. 1 లక్షను రూ. 30 లక్షలు చేసిన స్టాక్స్..!

Stocks: భారతీయ స్టాక్ మార్కెట్ గత ఐదేళ్ల కాలంలో ఎన్నో హెచ్చుతగ్గులకు లోనైనప్పటికీ, ఇన్వెస్టర్ల సంపదను ఊహించని రీతిలో పెంచిన మల్టీబ్యాగర్లకు కొదవలేదు. సాధారణంగా మార్కెట్ ప్రధాన సూచీలైన నిఫ్టీ 50 దాదాపు 46 శాతం, సెన్సెక్స్ 38 శాతం రాబడులు ఇస్తే, కొన్ని రంగాలు , కంపెనీలు మాత్రం ఏకంగా 1000% కంటే ఎక్కువ రాబడులను అందించి ఇన్వెస్టర్ల జేబులు నింపాయి.

దిగ్గజ గ్లోబల్ ఇన్వెస్టర్ పీటర్ లించ్ ప్రాచుర్యంలోకి తెచ్చిన కాన్సెప్టే టెన్‌బ్యాగర్స్ . అంటే మనం పెట్టిన పెట్టుబడికి 10 రెట్లు లేదా అంతకంటే ఎక్కువ రాబడిని ఇచ్చే స్టాక్స్. ఈ కాన్సెప్ట్ కేవలం అమెరికాలోని వాల్‌స్ట్రీట్‌కే పరిమితం కాదని, భారతీయ దలాల్ స్ట్రీట్‌లోనూ సాధ్యమేనని బీఎస్ఈ గణాంకాలు నిరూపిస్తున్నాయి. పవర్, డిఫెన్స్, క్యాపిటల్ గూడ్స్ రంగాలకు చెందిన 19కి పైగా షేర్లు గత 5 ఏళ్లలో టెన్‌బ్యాగర్స్‌గా అవతరించాయి.

గడిచిన 5 సంవత్సరాల కాలంలో అత్యధిక రాబడులు అందించి మొదటి స్థానాల్లో నిలిచిన కంపెనీల వివరాలను ఓసారి పరిశీలిస్తే.. నిఫ్టీ 500 ఇండెక్స్‌లోనే నంబర్-1 టెన్‌బ్యాగర్‌గా నిలిచింది. ఆగస్టు 2021లో రూ. 134 వద్ద ఉన్న ఈ స్టాక్ ఏకంగా 3013% పెరిగి రూ. 4,180 వద్దకు చేరుకుంది. అంటే ఇందులో రూ. 1 లక్ష పెట్టిన ఇన్వెస్టర్లకు ఏకంగా రూ. 30 లక్షలకు పైగా లాభం వచ్చింది. మార్కెట్ విస్తరణతో ఈ షేరు ఐదేళ్లలో 2686% మేర దూసుకెళ్లింది.

2000% పైగా రాబడులు ఇచ్చిన ఇతర కంపెనీలను చూస్తే..

అపార్ ఇండస్ట్రీస్ : 2555%

టీఏఆర్ఐఎల్ : 2197%

జెన్ టెక్నాలజీస్ : 2190%

మజగాన్ డాక్ షిప్ బిల్డర్స్ : 2084%

పీటర్ లించ్ సూత్రాల ప్రకారం, ఇలాంటి టెన్‌బ్యాగర్లను పట్టుకోవాలంటే కేవలం షార్ట్-టర్మ్ మార్కెట్ ఊగిసలాటలను చూడకూడదు. కంపెనీ ఉత్పత్తి చేసే ఉత్పత్తులకు భవిష్యత్తులో ఉండే డిమాండ్, బలమైన ఆదాయ వృద్ధిని పరిశీలించాలి. మార్కెట్ ఒత్తిడికి లోనైనప్పటికీ, నాణ్యమైన కంపెనీలలో దీర్ఘకాలం పెట్టుబడి కొనసాగించినప్పుడే టెన్‌బ్యాగర్ రిటర్న్స్ సాధ్యమవుతాయి.