Nayara Energy : వాహనదారులకు బంపర్ ఆఫర్.. లీటర్ పెట్రోల్‌పై రూ.5, డీజిల్‌పై రూ.3 తగ్గింపు

Nayara Energy : దేశంలోని వాహనదారులకు ఒక మంచి ఉపశమనం లభించింది. ప్రైవేట్ రంగ చమురు దిగ్గజం నాయరా ఎనర్జీ పెట్రోల్, డీజిల్ ధరలను భారీగా తగ్గిస్తూ నిర్ణయం తీసుకుంది. జూలై 1 నుంచి అమలులోకి వచ్చిన ఈ కొత్త నిర్ణయం ప్రకారం.. లీటర్ పెట్రోల్‌పై ఏకంగా రూ.5, అలాగే డీజిల్ ధరపై రూ.3 చొప్పున తగ్గించింది. ఈ ప్రైవేట్ కంపెనీ తీసుకున్న సాహసోపేత నిర్ణయంతో, దేశవ్యాప్తంగా ఉన్న ప్రభుత్వ రంగ చమురు మార్కెటింగ్ కంపెనీలు కూడా త్వరలోనే ఇంధన ధరలను తగ్గిస్తాయనే ఆశలు సామాన్య ప్రజల్లో చిగురిస్తున్నాయి. నాయరా ఎనర్జీకి చెందిన 7,000 కంటే ఎక్కువ పెట్రోల్ బంకుల్లో ఈ తగ్గిన ధరలు ఇప్పటికే అందుబాటులోకి వచ్చాయి.

ధరలు తగ్గడానికి అసలు కారణం ఇదే..

గత మార్చి నెలలో అమెరికా, ఇరాన్ దేశాల మధ్య యుద్ధ వాతావరణం నెలకొన్నప్పుడు పశ్చిమ ఆసియాలో ఉద్రిక్తతలు తీవ్రస్థాయికి చేరాయి. ఆ సమయంలో అంతర్జాతీయ మార్కెట్‌లో ముడి చమురు (క్రూడ్ ఆయిల్) ధరలు ఆకాశాన్ని తాకడంతో నాయరా ఎనర్జీ పెట్రోల్‌పై రూ.5, డీజిల్‌పై రూ.3 పెంచింది. అయితే, ప్రస్తుతం అమెరికా-ఇరాన్ దేశాల మధ్య దోహా వేదికగా శాంతి చర్చలు విజయవంతంగా ముగిశాయి. దీనివల్ల హోర్ముజ్ జలసంధి ద్వారా ముడి చమురు సరఫరా మళ్లీ సాధారణ స్థితికి వచ్చింది. అంతర్జాతీయంగా క్రూడ్ ఆయిల్ ధరలు తగ్గడంతో, కంపెనీ గతంలో పెంచిన అదనపు భారాన్ని పూర్తిగా తొలగించి పాత ధరలను పునరుద్ధరించింది.

నేడు కూడా స్థిరంగానే ఇంధన ధరలు

ప్రైవేట్ కంపెనీలు రేట్లు తగ్గించినప్పటికీ, దేశంలోని ప్రభుత్వ రంగ చమురు సంస్థలైన ఇండియన్ ఆయిల్ కార్పొరేషన్ (IOC), భారత్ పెట్రోలియం (BPCL), హిందుస్థాన్ పెట్రోలియం (HPCL) మాత్రం జూలై 2 న కూడా ధరల్లో ఎలాంటి మార్పులు చేయలేదు. దేశంలోని మొత్తం పెట్రోల్ బంకుల్లో 90 శాతానికి పైగా ఈ మూడు ప్రభుత్వ సంస్థలవే కావడం గమనార్హం. ప్రస్తుతం హైదరాబాద్‌లో లీటర్ పెట్రోల్ ధర రూ.109.66 వద్ద విక్రయించబడుతుండగా, డీజిల్ ధర లీటరుకు రూ.97.82 వద్ద స్థిరంగా కొనసాగుతోంది.

నేటి పెట్రోల్, డీజిల్ ధరల వివరాలు

దేశవ్యాప్తంగా వివిధ నగరాల్లో పన్నుల విధింపును బట్టి ఇంధన ధరలు మారుతుంటాయి. దేశ రాజధాని ఢిల్లీలో లీటర్ పెట్రోల్ ధర రూ.102.12, డీజిల్ రూ.95.20 గా ఉంది. హైదరాబాదులో పెట్రోల్ ధర రూ.115.73, డీజిల్ ధర రూ.103.82గా ఉంది. దేశ ఆర్థిక రాజధాని ముంబైలో పెట్రోల్ రూ.111.21 కాగా, డీజిల్ రూ.97.83 వద్ద విక్రయమౌతోంది. కోల్‌కతాలో పెట్రోల్ రూ.113.51, డీజిల్ రూ.99.82 లుగా ఉండగా, చెన్నైలో పెట్రోల్ రూ.107.77, డీజిల్ రూ.99.55 గా ఉంది. ఐటీ హబ్ బెంగళూరులో పెట్రోల్ రూ.102.84, డీజిల్ రూ.88.95 వద్ద లభిస్తోంది. అలాగే అహ్మదాబాద్‌లో పెట్రోల్ రూ.101.70, డీజిల్ రూ.97.84 గా ఉండగా, పాట్నాలో పెట్రోల్ రూ.113.35, డీజిల్ రూ.99.36 వద్ద కొనసాగుతోంది. కొండ ప్రాంతాలైన సిమ్లాలో పెట్రోల్ రూ.102.55, డీజిల్ రూ.94.61 కాగా, చండీగఢ్‌లో పెట్రోల్ రూ.101.51, డీజిల్ రూ.89.47 గా ఉంది. మహారాష్ట్రలోని పుణేలో పెట్రోల్ రూ.111.52, డీజిల్ రూ.98.15 వద్ద స్థిరంగా ఉన్నాయి.

ప్రభుత్వ కంపెనీలు ధరలు తగ్గించకపోవడానికి కారణం ఏమిటి?

అంతర్జాతీయ మార్కెట్‌లో ముడి చమురు ధరలు తగ్గినప్పటికీ ప్రభుత్వ సంస్థలు ధరలు తగ్గించకపోవడం వెనుక పెద్ద కారణమే ఉంది. గత కొన్ని నెలలుగా అంతర్జాతీయంగా క్రూడ్ ఆయిల్ రేట్లు రికార్డు స్థాయికి చేరినప్పుడు ఈ ప్రభుత్వ కంపెనీలు దేశీయంగా రేట్లు పెంచకుండా నష్టాలను భరించాయి. ప్రస్తుతం చమురు నిపుణుల విశ్లేషణ ప్రకారం, ప్రభుత్వ కంపెనీలు తాము గతంలో నష్టపోయిన మొత్తాన్ని ఇప్పుడు రికవరీ చేసుకునే పనిలో ఉన్నాయి. అంతేకాకుండా పశ్చిమ ఆసియాలో తాత్కాలికంగా శాంతి నెలకొన్నప్పటికీ, ఎప్పుడు ఏం జరుగుతుందో తెలియని అస్థిరత మార్కెట్‌లో ఉంది. అందువల్ల ప్రభుత్వ సంస్థలు ఇప్పుడే తొందరపడి ధరలను తగ్గించే ఆలోచనలో లేవని