Gold Rate Today: ఒక్కసారిగా కుప్పకూలిన బంగారం ధరలు.. తెలుగు రాష్ట్రాల్లో ఇవాళ తులానికి ఎంతంటే?

Gold Rate Today: గత కొన్ని రోజులుగా బంగారం ధరలు ఆల్‌టైమ్ రికార్డు వైపు దూసుకుపోతుండటంతో ఆభరణాలు కొనుగోలు చేయాలనుకునే వారి గుండెల్లో రైళ్లు పరిగెత్తాయి. ఆగస్టు నెల ప్రారంభం నుంచి నిరంతరం పెరుగుతూ వచ్చిన బంగారం రేట్లు శుక్రవారం ఊహించని రీతిలో దిగివచ్చాయి. రష్యా, ఉక్రెయిన్ మధ్య ఉద్రిక్తతలు మళ్లీ మొదలవ్వడంతో అంతర్జాతీయంగా ముడి చమురు ధరల్లో తీవ్ర హెచ్చుతగ్గులు కనిపిస్తున్నాయి. దీని ప్రభావంతో ప్రపంచ మార్కెట్‌లో బంగారం ధరలు ఒత్తిడికి గురై పడిపోవడంతో ఆ ప్రభావం మన దేశీయ మార్కెట్లపై స్పష్టంగా కనిపించింది. పసిడి ధరలు ఒక్కసారిగా శాంతించడం బంగారం ప్రియులకు, పెళ్లిళ్ల సీజన్ కొనుగోలుదారులకు పెద్ద ఊరటనిస్తోంది.

తెలుగు రాష్ట్రాల్లో తులం బంగారం ఎంతంటే?

హైదరాబాద్‌లో 10 గ్రాముల 24 క్యారెట్ల స్వచ్ఛమైన మేలిమి బంగారం ధర రూ.1,53,590 వద్ద నమోదు కాగా, ఆభరణాల తయారీకి వాడే 22 క్యారెట్ల బంగారం ధర రూ.1,40,790 వద్ద కొనసాగుతోంది. ఆంధ్రప్రదేశ్‌లోని విజయవాడ, విశాఖపట్నం నగరాల్లో కూడా ఇదే రకమైన ధరలు నమోదు కావడం విశేషం. అక్కడ 24 క్యారెట్ల ప్యూర్ గోల్డ్ రూ.1,53,590గా, 22 క్యారెట్ల బంగారం రూ.1,40,790 వద్ద విక్రయమవుతోంది. పక్కనే ఉన్న బెంగళూరు నగరంలో సైతం ఇవే ధరలు అమలవుతుండటం గమనార్హం.

ఇతర ప్రధాన నగరాల్లో పసిడి, వెండి జోరు

దేశ రాజధాని ఢిల్లీలో 24 క్యారెట్ల బంగారం తులం ధర రూ.1,53,740 కాగా, 22 క్యారెట్ల పసిడి ధర రూ.1,40,940గా ట్రేడవుతోంది. తమిళనాడు రాజధాని చెన్నైలో బంగారం ధరలు మిగతా ప్రాంతాల కంటే కాస్త ఎక్కువగా ఉన్నాయి. అక్కడ 24 క్యారెట్ల రేటు రూ.1,55,140 కాగా, 22 క్యారెట్ల ధర రూ.1,42,210 వద్ద ట్రేడవుతోంది. బంగారం బాటలోనే వెండి ధరలు కూడా స్వల్పంగా తగ్గుముఖం పట్టాయి. హైదరాబాద్‌లో కేజీ వెండి ధర రూ.2,59,900 వద్ద స్థిరపడగా, నిన్నటితో పోలిస్తే స్వల్పంగా తగ్గింది. చెన్నైలో కేజీ వెండి రూ.2,59,990 వద్ద, ఢిల్లీ, బెంగళూరు నగరాల్లో రూ.2,54,900 వద్ద ట్రేడవుతోంది.