Gold Rate Today : బంగారం ప్రియులకు శుభవార్త.. వరుసగా నాలుగో రోజు పడిపోయిన పసిడి ధరలు

Gold Rate Today : అంతర్జాతీయ మార్కెట్లో నెలకొన్న అనిశ్చితి, డాలర్ ఇండెక్స్ బలపడటం, ముడి చమురు ధరల్లో హెచ్చుతగ్గులు భారతీయ బులియన్ మార్కెట్‌పై తీవ్ర ప్రభావాన్ని చూపుతున్నాయి. ఈ పరిణామాల నేపథ్యంలో దేశవ్యాప్తంగా బంగారం, వెండి ధరల్లో వరుసగా క్షీణత కనిపిస్తోంది. గత కొన్ని రోజులుగా తగ్గుతూ వస్తున్న పసిడి ధరలు సామాన్యులకు,పెట్టుబడిదారులకు కొంత ఊరటనిస్తున్నాయి. ఈ వారం ఆరంభం నుంచి గమనిస్తే, 24 క్యారెట్ల స్వచ్ఛమైన బంగారం ధర సుమారు రూ.2,230 వరకు తగ్గడం విశేషం. ముఖ్యంగా నిన్న ఒక్కరోజే మేలిమి బంగారం ధర రూ.1,200 మేర పడిపోయింది.

నేడు ఏప్రిల్ 24, 2026 నాటి బులియన్ మార్కెట్ అప్‌డేట్ ప్రకారం.. హైదరాబాద్‌లో 24 క్యారెట్ల మేలిమి బంగారం 10 గ్రాముల ధర రూ.1,53,540 వద్ద కొనసాగుతోంది. నిన్నటితో పోలిస్తే ఇందులో గణనీయమైన మార్పు కనిపిస్తోంది. అదేవిధంగా ఆభరణాల తయారీలో ఎక్కువగా ఉపయోగించే 22 క్యారెట్ల 10 గ్రాముల బంగారం ధర రూ.1,40,740 గా ఉంది. ఇక వెండి విషయానికి వస్తే, కిలో వెండి ధర రూ.2,69,900 వద్ద స్థిరంగా కొనసాగుతోంది. వెండి ధర కూడా నిన్నటితో పోలిస్తే ఏకంగా రూ.5,000 వరకు తగ్గడం గమనార్హం.

దేశవ్యాప్తంగా ప్రధాన నగరాల్లో పసిడి ధరల్లో స్వల్ప వ్యత్యాసాలు ఉన్నాయి. చెన్నైలో 24 క్యారెట్ల 10 గ్రాముల బంగారం ధర రూ.1,54,470 వద్ద ఉండగా, దేశ రాజధాని ఢిల్లీలో రూ.1,53,690 గా నమోదైంది. ముంబై, కోల్‌కతా వంటి మెట్రో నగరాల్లో హైదరాబాద్‌కు సమానంగా అంటే రూ.1,53,540 వద్ద ధరలు కొనసాగుతున్నాయి. 22 క్యారెట్ల బంగారం ధర చెన్నైలో గరిష్టంగా రూ.1,41,590 పలుకుతుండగా, ముంబై, కోల్‌కతాలలో రూ.1,40,740 గా ఉంది. ఢిల్లీలో మాత్రం ఇది రూ.1,40,890 వద్ద ట్రేడ్ అవుతోంది.

బంగారంతో పాటు వెండి కూడా భారీగా తగ్గింది. వెండి కిలో ధర చెన్నైలో గరిష్టంగా రూ.2,69,900 ఉండగా, ముంబైలో అత్యల్పంగా రూ.2,59,900 వద్ద లభిస్తోంది. అంటే దాదాపు పది వేల రూపాయల వ్యత్యాసం వివిధ నగరాల మధ్య కనిపిస్తోంది. అంతర్జాతీయంగా వెండి పారిశ్రామిక డిమాండ్ తగ్గడం, ఇన్వెస్టర్లు సురక్షిత పెట్టుబడిగా డాలర్ వైపు మొగ్గు చూపడం వల్ల వెండిపై ఒత్తిడి పెరుగుతోంది.

ప్రస్తుతం అంతర్జాతీయ మార్కెట్‌లో అమెరికా డాలర్ విలువ పెరగడం వల్ల బంగారం ధరలపై ప్రభావం పడుతోంది. డాలర్ బలపడినప్పుడు ఇతర దేశాల కరెన్సీల్లో బంగారం కొనుగోలు చేయడం భారంగా మారుతుంది, దీనివల్ల డిమాండ్ తగ్గి ధరలు పడిపోతాయి. అలాగే అమెరికా ఫెడరల్ రిజర్వ్ వడ్డీ రేట్లపై తీసుకునే నిర్ణయాలు, ముడి చమురు ధరల పెరుగుదల కూడా ఇన్వెస్టర్లను ఆలోచనలో పడేశాయి. యుద్ధ మేఘాలు కొంతమేర తగ్గుముఖం పట్టడం కూడా పసిడికి ప్రతికూలంగా మారి ధరల పతనానికి దారితీస్తోంది.