DoT Warning: నకిలీ సిమ్లు, IMEI ట్యాంపరింగ్పై కేంద్రం ఉక్కుపాదం.. 3 ఏళ్ల జైలు, రూ.50 లక్షల జరిమానా!
DoT Warning: IMEI ట్యాంపరింగ్, నకిలీ SIMల వినియోగంపై DoT హెచ్చరించింది. నిబంధనలు ఉల్లంఘిస్తే జైలు, రూ.50 లక్షల వరకు జరిమానా విధించవచ్చు.
DoT Warning: నకిలీ సిమ్లు, IMEI ట్యాంపరింగ్పై కేంద్రం ఉక్కుపాదం.. 3 ఏళ్ల జైలు, రూ.50 లక్షల జరిమానా!
దేశంలో వేగంగా విస్తరిస్తున్న డిజిటల్ నెట్వర్క్ల భద్రతను దృష్టిలో ఉంచుకుని టెలికమ్యూనికేషన్ల శాఖ (DoT) సంచలన హెచ్చరికలు జారీ చేసింది. మొబైల్ ఫోన్ల ఐఎమ్ఈఐ (IMEI) నంబర్లను ట్యాంపర్ చేయడం, అనధికారిక లేదా మార్పు చేసిన పరికరాలను వాడడం మరియు నకిలీ పత్రాలతో సిమ్ కార్డులు పొందడం వంటి చట్టవిరుద్ధ చర్యలపై కేంద్ర ప్రభుత్వం కఠిన నిర్ణయం తీసుకుంది. ఇలాంటి నేరాలకు పాల్పడితే మూడు సంవత్సరాల వరకు జైలు శిక్ష లేదా రూ.50 లక్షల వరకు జరిమానా, లేదా రెండూ విధిస్తామని టెలికాం శాఖ స్పష్టం చేసింది.
టెలికమ్యూనికేషన్ల చట్టం 2023 కింద కఠిన శిక్షలు:
నూతన టెలికమ్యూనికేషన్ల చట్టం 2023 ప్రకారం ఈ నిబంధనలను ఉల్లంఘించడం బెయిల్ ఇవ్వడానికి వీలులేని తీవ్రమైన నేరంగా DoT పరిగణించింది. చట్టంలోని సెక్షన్ 42(3)(c) ప్రకారం టెలికాం ఐడెంటిఫైయర్లను మార్చడం తీవ్ర నిషిద్ధం. అలాగే సెక్షన్ 42(3)(e) ప్రకారం మోసం, వంచన లేదా నకిలీ పత్రాల ద్వారా సిమ్ కార్డులు పొందడం కూడా శిక్షార్హమే. అంతేకాకుండా, ఈ తరహా నేరాలకు ప్రత్యక్షంగా లేదా పరోక్షంగా సహకరించే వారికి కూడా సెక్షన్ 42(6) కింద అదే స్థాయి శిక్ష అమలవుతుందని ప్రభుత్వం స్పష్టం చేసింది.
సిమ్ కార్డ్ సబ్స్క్రైబర్లకు DoT కీలక సూచనలు:
చందాదారులు తమ పేరు మీద తీసుకున్న సిమ్ కార్డులను ఇతరులకు అప్పగించడం, అమ్మడం లేదా అప్పుగా ఇవ్వడం వంటివి చేయవద్దని అధికారులు స్పష్టం చేశారు. ఒకవేళ మీ పేరిట ఉన్న సిమ్ ద్వారా వేరొకరు సైబర్ మోసాలు లేదా చట్టవిరుద్ధ కార్యకలాపాలకు పాల్పడితే, అసలు యజమానిదే పూర్తి చట్టపరమైన బాధ్యత అని హెచ్చరించారు. అలాగే కాలింగ్ లైన్ ఐడెంటిటీ (CLI) లేదా ఐడెంటిఫైయర్లను మార్చే థర్డ్ పార్టీ యాప్లు, వెబ్సైట్లను ఎట్టి పరిస్థితుల్లోనూ ఉపయోగించవద్దని సూచించారు.
'సంచార్ సాథీ' సేవలను వినియోగించుకోండి:
పౌరులు తమ వద్ద ఉన్న మొబైల్ పరికరాలు మరియు కనెక్టివిటీ రక్షణ కోసం ప్రభుత్వం రూపొందించిన 'సంచార్ సాథీ' (Sanchar Saathi) పోర్టల్ను ఉపయోగించుకోవాలని కోరారు. ఈ ప్లాట్ఫారమ్ ద్వారా మీ మొబైల్ ఫోన్ ఒరిజినల్ IMEI నంబర్, బ్రాండ్, మోడల్ మరియు తయారీదారు వివరాలను సులభంగా ధృవీకరించుకోవచ్చని డిపార్ట్మెంట్ ఆఫ్ టెలికమ్యూనికేషన్స్ తెలిపింది.