Farmers: రైతులకు గుడ్ న్యూస్..ఒక్కొక్కరికి రూ.6000 అకౌంట్లోకి..!

PM Kisan Scheme: దేశంలో వెన్నెముకలా నిలిచే అన్నదాతకు కేంద్ర ప్రభుత్వం మరోసారి కొండంత అండగా నిలిచింది. రైతుల ముఖాల్లో ఆనందం నింపేలా కీలక ప్రకటన చేసింది. నిరంతరం పొలాల్లో చెమటోడ్చే రైతులకు పంట పెట్టుబడి సాయాన్ని అందించే 'పీఎం కిసాన్ సమ్మాన్ నిధి యోజన' పథకాన్ని మరో ఐదేళ్ల పాటు పొడిగిస్తూ కేంద్ర కేబినెట్ చారిత్రాత్మక నిర్ణయం తీసుకుంది.

ప్రధాని నరేంద్ర మోదీ అధ్యక్షతన జరిగిన కేంద్ర కేబినెట్ సమావేశంలో ఈ నిర్ణయానికి ఆమోద ముద్ర వేశారు. ఈ పథకం 2030-31 ఆర్థిక సంవత్సరం వరకు నిరంతరాయంగా అమలు కానుంది. రానున్న ఐదేళ్ల కోసం ఏకంగా రూ. 3.15 లక్షల కోట్లను వెచ్చించనున్నట్లు కేంద్ర ప్రభుత్వం అంచనా వేసింది. ప్రధాని మోదీ దూరదృష్టితో తీసుకున్న ఈ నిర్ణయం వల్ల దేశ వ్యాప్తంగా ఉన్న కోట్లాది మంది రైతు కుటుంబాలకు ఎంతో మేలు జరుగుతుందని కేంద్ర మంత్రి అశ్వినీ వైష్ణవ్ స్పష్టం చేశారు.

పీఎం కిసాన్ ద్వారా అర్హులైన ప్రతి రైతు కుటుంబానికి ఏడాదికి రూ. 6,000 చొప్పున ఆర్థిక సాయం అందుతోంది. ఈ మొత్తాన్ని ఒకేసారి కాకుండా, ఏడాదికి మూడు విడతల్లో రూ. 2,000 చొప్పున అందిస్తున్నారు. దళారీల ప్రమేయం లేకుండా డైరెక్ట్ బెనిఫిట్ ట్రాన్స్‌ఫర్ ద్వారా నేరుగా రైతుల బ్యాంక్ ఖాతాల్లోనే డబ్బులు జమ అవుతున్నాయి. ఇప్పటివరకు విజయవంతంగా 23 విడతల్లో నిధులను విడుదల చేశారు. ప్రస్తుతం ఖరీఫ్ సాగు వేగంగా సాగుతున్న వేళ, రైతులందరూ 24వ విడత నిధుల కోసం ఆశగా ఎదురుచూస్తున్నారు. సరిగ్గా ఇదే సమయంలో కేంద్రం ఈ పొడిగింపు వార్తను అందించడం గమనార్హం.

రైతు సంక్షేమంతో పాటు దేశ సమగ్ర వికాసానికి కేబినెట్ మరికొన్ని భారీ ప్రాజెక్టులకు ఆమోదం తెలిపింది. వచ్చే ఐదేళ్లలో 5,000 మెగావాట్ల విద్యుత్ ఉత్పత్తిని లక్ష్యంగా పెట్టుకుని, ఈ పథకం కోసం రూ. 5,070 కోట్లు కేటాయించారు. సముద్ర వనరుల పరిశోధన, అభివృద్ధి కోసం రూ. 84,000 కోట్లు కేటాయించారు. క్రీడారంగాన్ని బలోపేతం చేసేందుకు, యువ క్రీడాకారులను ప్రోత్సహించేందుకు రూ. 29,000 కోట్లు కేటాయించారు. దేశంలో రవాణా వ్యవస్థను మెరుగుపరచడానికి, మౌలిక వసతుల కల్పనలో భాగంగా సొరంగాల నిర్మాణం కోసం రూ. 9,779 కోట్లు కేటాయించారు.

పెట్టుబడి సాయం పైనే ఆధారపడి సాగు పనులు చేపడుతున్న చిన్న, సన్నకారు రైతులకు పీఎం కిసాన్ పొడిగింపు నిజంగానే ఒక పెద్ద ఊరట. విత్తనాలు, ఎరువుల కొనుగోలు సమయంలో ఈ సాయం రైతులకు కొండంత కొండగుర్తులా నిలుస్తోంది.