ముఖేష్ అంబానీ ఇంట్లో సెక్యూరిటీ గార్డ్ జీతం ఎంతో తెలుసా.? షాక్ అవ్వాల్సిందే!

Antilia Security Guard Salary: ప్రముఖ పారిశ్రామికవేత్త ముఖేష్ అంబానీ నివాసం అంటీలియా గురించి ప్రత్యేకంగా చెప్పాల్సిన అవసరం లేదు. ప్రపంచంలోని అత్యంత ఖరీదైన ప్రైవేట్ నివాసాల్లో ఒకటిగా పేరున్న ఈ భవనంలో భారీ సంఖ్యలో సిబ్బంది ప‌నిచేస్తారు. అయితే ఈ ఇంటి కోసం ప‌నిచేసే సెక్యూరిటీ గార్డులకు ఎంత జీతం వ‌స్తుందో ఎప్పుడైనా ఆలోచించారా?

అంటీలియాలో 500 మందికి పైగా సిబ్బంది

ముఖేష్ అంబానీ కుటుంబం నివసించే అంటీలియా ముంబైలోని అత్యంత విలాసవంతమైన భవనాల్లో ఒకటిగా గుర్తింపు పొందింది. ఈ భారీ నివాసాన్ని నిర్వహించేందుకు పెద్ద సంఖ్యలో సిబ్బంది అవసరం అవుతుంది. అంటీలియాలో 500 మందికి పైగా ఉద్యోగులు వివిధ విభాగాల్లో పనిచేస్తున్నట్లు స‌మాచారం. వీరిలో సెక్యూరిటీ సిబ్బంది, హౌస్‌కీపింగ్ సిబ్బంది, వంటవాళ్లు, నిర్వహణ సిబ్బంది, ఇతర సేవా విభాగాలకు చెందిన ఉద్యోగులు ఉన్నట్లు కథనాలు పేర్కొంటున్నాయి.

సెక్యూరిటీ గార్డుకు నెలకు ఎంత జీతం?

అంటీలియాలో పనిచేసే సెక్యూరిటీ గార్డుల జీతంపై పలు మీడియా నివేదికల్లో ఆసక్తికరమైన వివరాలు ప్రచురితమయ్యాయి. ఆ కథనాల ప్రకారం నెలకు సుమారు రూ.1.5 లక్షల నుంచి రూ.2 లక్షల వరకు జీతం ఉండొచ్చని అంచనా. అయితే దీనిపై ఎలాంటి అధికారిక ప్ర‌క‌ట‌న మాత్రం లేదు.

జీతంతో పాటు ఇతర సౌకర్యాలు కూడా

అంటీలియాలో పనిచేసే ఉద్యోగులకు కేవలం జీతం మాత్రమే కాకుండా కొన్ని అదనపు ప్రయోజనాలు కూడా లభిస్తాయని పలు నివేదికలు పేర్కొంటున్నాయి. ఇందులో మెడికల్ ఇన్సూరెన్స్, ఉద్యోగులకు సంబంధించిన ఇతర ప్రయోజనాలు ఉండొచ్చని సమాచారం. అయితే ఉద్యోగి చేసే పని, అనుభవం, బాధ్యతలు, విధులు వంటి అంశాలను బట్టి జీతం, సౌకర్యాలు మారే అవకాశం ఉంటుంది. సెక్యూరిటీ సిబ్బందిలో కూడా ప్రతి ఒక్కరికీ ఒకే స్థాయిలో జీతం ఉంటుందని చెప్పలేం.

అంటీలియాలో సెక్యూరిటీకి ఎందుకంత ప్రాధాన్యం?

అంటీలియా సాధారణ నివాస భవనం కాదు. ఇందులో ముఖేష్ అంబానీ కుటుంబం నివసిస్తుండటంతో భద్రతకు అత్యంత ప్రాధాన్యం ఉంటుంది. భవనం చుట్టూ భద్రత, ప్రవేశించే వ్యక్తుల పర్యవేక్షణ, కుటుంబ సభ్యుల రక్షణ వంటి బాధ్యతలను సెక్యూరిటీ సిబ్బంది నిర్వహించాల్సి ఉంటుంది. అంతేకాకుండా ఇంత పెద్ద భవనంలో రోజువారీ కార్యకలాపాలు సజావుగా సాగేందుకు హౌస్‌కీపింగ్, వంట, నిర్వహణ, సాంకేతిక సేవలు వంటి విభాగాల్లో కూడా ప్రత్యేక సిబ్బంది అవసరం ఉంటుంది.