అమెజాన్ ప్రైమ్ డే సేల్ 2026 రెడీ.. భారీ ఆఫర్ల పండుగ.. ఫుల్ డీటెయిల్స్ ఇవే!

Amazon Prime Day 2026: ప్రముఖ ఈ-కామర్స్ దిగ్గజం అమెజాన్, తన వార్షిక సేల్ 'ప్రైమ్ డే' 2026 షెడ్యూల్‌ను అధికారికంగా ప్రకటించింది. ఈ ఏడాది భారతదేశంలో ఈ సేల్ జులై నెలలో ప్రారంభం కానుంది. విశేషమేమిటంటే, భారత్‌లో ప్రైమ్ డే సేల్ ప్రారంభమై ఇది 10వ ఎడిషన్. కేవలం ప్రైమ్ సభ్యులకు మాత్రమే ప్రత్యేకంగా నిర్వహించే ఈ సేల్‌లో వందలాది కొత్త ఉత్పత్తుల లాంచ్ ఉండబోతోంది. గతేడాది తరహాలోనే ఈసారి కూడా ఎలక్ట్రానిక్స్, కిచెన్ అప్లయన్సెస్, బ్యూటీ, ఫ్యాషన్, నిత్యావసర వస్తువులపై భారీ డీల్స్ ఉంటాయని కంపెనీ వెల్లడించింది.

గ్లోబల్ షెడ్యూల్, భారత మార్కెట్..

అమెజాన్ తన ప్రైమ్ డే సేల్‌ను ప్రపంచవ్యాప్తంగా నిర్వహిస్తోంది. భారత్‌తో పాటు ఆస్ట్రేలియా, బ్రెజిల్, జపాన్ దేశాల్లో జూలైలో ఈ సేల్ జరగనుంది. అయితే అమెరికా, యూకే, కెనడా, జర్మనీ, ఫ్రాన్స్ వంటి దేశాల్లో ఒక నెల ముందుగానే అంటే జూన్ లోనే ఈ సేల్ ప్రారంభం కానుంది. భారతీయ మార్కెట్ అవసరాలకు అనుగుణంగా జులైలో నిర్వహించడం ద్వారా వర్షాకాలపు సీజన్ సేల్‌గా ఇది నిలవనుంది.

సూపర్ ఫాస్ట్ డెలివరీ, క్యాష్‌బ్యాక్ ఆఫర్లు..

ఈసారి సేల్‌లో కేవలం డిస్కౌంట్లు మాత్రమే కాకుండా, డెలివరీ వేగంలోనూ అమెజాన్ సరికొత్త రికార్డులు సృష్టించేందుకు సిద్ధమైంది.

సేమ్ డే డెలివరీ: సుమారు 10 లక్షలకు పైగా ఉత్పత్తులపై అదే రోజు డెలివరీ సౌకర్యం ఉంటుంది.

4-గంటల డెలివరీ: ఎంపిక చేసిన నగరాల్లో 40,000 పైగా ఉత్పత్తులను కేవలం 4 గంటల్లోనే ఇంటికి చేరుస్తుంది.

క్యాష్‌బ్యాక్: రూ. 1,399 కంటే ఎక్కువ షాపింగ్ చేసే ప్రైమ్ మెంబర్లకు రూ. 200 వరకు క్యాష్‌బ్యాక్ లభిస్తుంది. అలాగే రూ. 99 కనీస షాపింగ్‌పై ఉచిత డెలివరీని పొందవచ్చు.

బ్యాంక్ ఆఫర్లు, అదనపు రాయితీలు..

షాపింగ్ చేసే వారికి మరింత లాభం చేకూర్చేందుకు అమెజాన్ పలు బ్యాంకులతో జతకట్టింది. ముఖ్యంగా Amazon Pay ICICI Bank క్రెడిట్ కార్డ్ వినియోగదారులకు ప్రతి కొనుగోలుపై 5 శాతం అన్‌లిమిటెడ్ క్యాష్‌బ్యాక్ గ్యారెంటీగా లభిస్తుంది. ఇవే కాకుండా ఇన్‌స్టంట్ డిస్కౌంట్లు, నో-కాస్ట్ ఈఎంఐ ఆప్షన్లు కూడా అందుబాటులో ఉంటాయి.

ప్రైమ్ మెంబర్‌షిప్ ప్లాన్లు ఇవే..

ఈ ఆఫర్లను దక్కించుకోవాలంటే వినియోగదారులు తప్పనిసరిగా ప్రైమ్ మెంబర్‌షిప్ కలిగి ఉండాలి. ప్రస్తుతం అందుబాటులో ఉన్న ప్లాన్లు:

నెలవారీ ప్లాన్: రూ. 299

త్రైమాసిక ప్లాన్: రూ. 599

వార్షిక ప్లాన్: రూ. 1,499

ప్రైమ్ లైట్ (వార్షిక): రూ. 799

షాపింగ్ ఎడిషన్: రూ. 399 (సంవత్సరానికి)

ఈ ప్లాన్లలో మీకు నచ్చిన దానిని ఎంచుకోవడం ద్వారా ప్రైమ్ డే డీల్స్‌ను అందరికంటే ముందుగా యాక్సెస్ చేయవచ్చు. కొత్త ఉత్పత్తుల లాంచ్‌లు, బ్లాక్‌బస్టర్ డీల్స్ కోసం జూలై వరకు వేచి చూడాల్సిందే.