Madakasiri: ఘనంగా మాజీ ఎమ్మెల్యే డా.ఎం.తిప్పేస్వామి జన్మదిన వేడుకలు

మడకశిర: మాజీ ఎమ్మెల్యే, వైయస్సార్ సెంట్రల్ ఎగ్జిక్యూటివ్ మెంబర్ డాక్టర్ ఎం. తిప్పేస్వామి గారి జన్మదిన వేడుకలు ఈరోజు మడకశిర పట్టణంలో ఆయన స్వగృహంలో అత్యంత ఘనంగా నిర్వహించబడ్డాయి. ఈ వేడుకలకు నియోజకవర్గం నలుమూలల నుండి వందలాది మంది నాయకులు, కార్యకర్తలు, అభిమానులు భారీగా తరలివచ్చి సందడి వాతావరణాన్ని నెలకొల్పారు.

మొదటగా వైయస్సార్ కాంగ్రెస్ పార్టీకి చెందిన జెడ్పిటిసిలు, ఎంపీటీసీలు, సర్పంచులు, వివిధ శాఖల డైరెక్టర్లు మరియు ప్రముఖ నాయకులు డా. తిప్పేస్వామి గారిని కలిసి పుష్పగుచ్ఛాలు అందజేసి జన్మదిన శుభాకాంక్షలు తెలిపారు. అనంతరం కుటుంబ సభ్యుల సమక్షంలో కేక్ కట్ చేసి ఆనందాన్ని పంచుకున్నారు.

ఈ సందర్భంగా డా. తిప్పేస్వామి గారి తనయుడు, భవిష్యత్తులో ఎమ్మెల్యేగా ఎదగనున్న నాయకుడు డాక్టర్ స్వామి దినేష్ గారు, అలాగే సతీమణి సరయు సత్యవాణి గారు పాల్గొని శుభాకాంక్షలు తెలియజేశారు. కుటుంబ సభ్యులు, సన్నిహితులు, నాయకులు ఒకరికొకరు కేక్ తినిపించుకుంటూ ఆనందాన్ని వ్యక్తం చేశారు.

కార్యక్రమంలో పాల్గొన్న నాయకులు మాట్లాడుతూ, డా. తిప్పేస్వామి గారు ప్రజల కోసం చేసిన సేవలను కొనియాడారు. ఆయన నాయకత్వంలో నియోజకవర్గం అభివృద్ధి పథంలో ముందుకు సాగిందని ప్రశంసించారు. భవిష్యత్తులో కూడా ప్రజలకు మరింత సేవ చేయాలని ఆకాంక్షించారు.

ఈ వేడుకలకు నియోజకవర్గంలోని వివిధ గ్రామాల సర్పంచులు, ఎంపీటీసీలు, పార్టీ నాయకులు, కార్యకర్తలు మరియు అభిమానులు పెద్ద సంఖ్యలో హాజరై కార్యక్రమాన్ని విజయవంతం చేశారు. వచ్చిన ప్రతి ఒక్కరికీ విందు భోజనం ఏర్పాటు చేయడం ప్రత్యేక ఆకర్షణగా నిలిచింది.

ఈ సందర్భంగా డా. తిప్పేస్వామి గారు మాట్లాడుతూ, తనపై చూపిస్తున్న అభిమానానికి కృతజ్ఞతలు తెలుపుతూ, ఎల్లప్పుడూ ప్రజల సేవలోనే తన జీవితాన్ని అంకితం చేస్తానని పేర్కొన్నారు.