Nirmal: నిర్మల్లో ఘనంగా ప్రపంచ ఫోటోగ్రఫీ దినోత్సవం!
Nirmal: నిర్మల్లో ప్రపంచ ఫోటోగ్రఫీ దినోత్సవ వేడుకలు. మృతి చెందిన ఫోటోగ్రాఫర్ల కుటుంబాలకు ప్రభుత్వ సంక్షేమ పథకాలు అందించాలని జిల్లా యూనియన్ డిమాండ్.
Nirmal: నిర్మల్లో ఘనంగా ప్రపంచ ఫోటోగ్రఫీ దినోత్సవం!
Nirmal: నిర్మల్ జిల్లా కేంద్రంలో జిల్లా యూనియన్, కెమెరా క్లబ్ ఆధ్వర్యంలో ఫోటోగ్రఫీ దినోత్సవాన్ని ఘనంగా నిర్వహించారు. కెమెరా సృష్టికర్త లూయిస్ డాగురే చిత్రపటానికి పూలమాలలు వేసి నివాళులర్పించి రెండు నిమిషాలు మౌనం పాటించారు. అనంతరం ఫోటోగ్రాఫర్ల జెండాను ఆవిష్కరించారు.
ఈ సందర్భంగా పలువురు ఫోటోగ్రాఫర్లు మాట్లాడుతూ ఫోటో వృత్తిలో మృతి చెందిన ఫోటోగ్రాఫర్లకు రాష్ట్ర ప్రభుత్వం సంక్షేమ పథకాలను అందించి ఆదుకోవాలన్నారు. అదే విధంగా జిల్లా ఫోటోగ్రాఫర్ల సంఘానికి ప్రజా ప్రతినిధులు, అధికారులు స్పందించి స్థలాన్ని కేటాయించాలని కోరారు.
ఈ కార్యక్రమంలో ఫోటోగ్రాఫర్ల సంక్షేమ సంఘం అధ్యక్షుడు కుమ్మరి శేఖర్, సంఘ ప్రతినిధులు సగం వంశీ, మంద లోకేష్, వినయ్, కేంద్రే రామ్ రాజ్, గంగాధర్, అయిట్ల ప్రవీణ్, సిహెచ్ శ్రీనివాస్, రమేష్, గంగాధర్, రామ్ రమేష్, ఉత్తూరి పోశెట్టి, తదితరులు పాల్గొన్నారు.