Nirmal: ఖానాపూర్ నియోజకవర్గంలో అంగరంగ వైభవంగా రక్షాబంధన్ వేడుకలు!

Nirmal: ఖానాపూర్ నియోజకవర్గవ్యాప్తంగా రక్షాబంధన్ వేడుకలను ప్రజలు ఎంతో అంగరంగ వైభవంగా, సాంప్రదాయబద్ధంగా జరుపుకున్నారు. ఉదయం నుంచే ఇళ్లన్నీ తోబుట్టువుల నవ్వులు, కోలాహలంతో సందడిగా మారాయి.

"ఉపాధి, ఉద్యోగాల రీత్యా ఎంత దూర ప్రాంతాలలో నివసిస్తున్నప్పటికీ.. అక్కాచెల్లెళ్లంతా తమ అన్నాదమ్ముల కోసం ప్రతి సంవత్సరం లాగే ఈ సారి కూడా స్వగ్రామాలకు తరలివచ్చారు. అన్నయ్యలకు, తమ్ముళ్లకు నుదుట తిలకం దిద్ది, హారతులు ఇచ్చి, చేతికి రక్షాసూత్రాన్ని కట్టారు.

నియోజకవర్గంలోని ఒక కుటుంబంలో జరిగిన వేడుకలలో.. పెద్దలతో పాటు చిన్నారి సైతం ఎంతో మురిపెంగా రాఖీ కట్టించుకోవడం, కుటుంబ సభ్యులంతా కలిసి ఆనందంగా ఈ వేడుకల్లో పాలుపంచుకోవడం ప్రత్యేక ఆకర్షణగా నిలిచింది.

రాఖీ కట్టిన సోదరీమణులకు అన్నదమ్ములు పాదాభివందనం చేసి ఆశీస్సులు తీసుకున్నారు. తమకు ఎల్లవేళలా రక్షగా ఉంటామని సోదరులు మాట ఇస్తూ, అక్కాచెల్లెళ్లకు నూతన వస్త్రాలు, కానుకలు అందజేసి తమ అభిమానాన్ని చాటుకున్నారు. స్వీట్లు తినిపించుకుంటూ చిన్ననాటి జ్ఞాపకాలను గుర్తుచేసుకున్నారు.