Nirmal: నిర్మల్‌లో దివ్యాంగుల స్వయం ఉపాధి స్టాల్‌!

Nirmal: తెలంగాణ దివ్యాంగుల పునరావాస అభివృద్ధి ఆర్గనైజేషన్ ఆధ్వర్యంలో దివ్యాంగులు స్వయంగా తయారు చేసిన ఫినాయిల్, యాసిడ్, బ్లీచింగ్ పౌడర్, బ్రష్‌లు తదితర శుభ్రత ఉత్పత్తులను నిర్మల్ పట్టణంలోని మున్సిపల్ కార్యాలయం ఎదుట ప్రత్యేక స్టాల్ ఏర్పాటుచేసి విక్రయిస్తున్నారు.

దివ్యాంగులు తయారు చేస్తున్న ఈ ఉత్పత్తులను ప్రజలు కొనుగోలు చేసి ప్రోత్సహించాలని నిర్వాహకులు కోరారు. దివ్యాంగుల స్వయం ఉపాధికి చేయూతనిస్తూ ‘మీ చేతుల మీదుగా స్వచ్ఛత–ఆరోగ్య భారతం’కు సహకరించాలని విజ్ఞప్తి చేశారు. కార్యక్రమంలో దివ్యాంగుల జిల్లా అధ్యక్షులు సాయన్న, పెనుగొండ ముత్యం, పంచపుల తదితరులు పాల్గొన్నారు.