Adilabad: నకిలీ హిజ్రాల ఆగడాలపై చర్యలు తీసుకోవాలి అలీజా!

Adilabad: ఇటివల ట్రాన్స్ జెండర్లు హిజ్రాలు డబ్బులు డిమాండ్ చేయడం, అసభ్యంగా ప్రవర్తించడం. దాడులకు తెగపడుతున్నా వైనం పై పోలీసులు ఉక్కుపాదం మోపుతున్నారు. అయితే ట్రాన్స్ జెండర్ల ముసుగులో రచ్చ చేస్తున్న నకిలీ హిజ్రాల పై చర్యలు తీసుకోవాలని ఆదిలాబాద్ జిల్లా ట్రాన్స్ జెండర్ల సంఘం అధ్యక్షులు అలీజా డిమాండ్ చేశారు.

ఆదిలాబాద్ జిల్లా కేంద్రంలోని ప్రెస్ క్లబ్ లో ఏర్పాటు చేసిన మీడియా సమావేశంలో సంఘం సభ్యులతో కలిసి మీడియాతో మాట్లాడారు. నకిలీ హిజ్రాల ఆగడాలకు కళ్లెం వేసేలా చర్యలు తీసుకోవాలని కోరారు. కొందరు తమ పేర్లు చెప్పుకొంటూ వికృతచేష్టలతో ప్రజలను వేధింపులకు గురిచేస్తున్నారని, అలాంటి వారి పై చర్యలు తీసుకోవాలని కోరారు.

ట్రాన్స్ జెండర్ల వల్ల అందరు ఇబ్బందులకు గురైయ్యే పరిస్థితి నెలకొందన్నారు. అనేక మంది హిజ్రాలు ట్రాన్స్ జెండర్లు ఉపాధి, ఉద్యోగ అవకాశాలతో గౌరవంగా జీవిస్తున్నారని, కొందరి ఆగడాలతో అందరి పై మోపడం సరికాదన్నారు. పోలీసు యంత్రాంగం నిజానిజాలు తెలుసుకొని చర్యలు తీసుకోవాలని డిమాండ్ చేశారు.

ప్రభుత్వం తమకు ఉపాధి ఉద్యోగ అవకాశాలు కల్పించి ఆదుకోవాలని విజ్ఞప్తి చేశారు.