Hyderabad: రూ.20 కోట్ల శునకం హైదరాబాద్​లో హల్​చల్

Hyderabad: అరుదైన జాతికి చెందిన ఓ కుక్క హైదరాబాద్‌లో సందడి చేసింది. మియాపూర్‌లోని విశ్వాస్ పెట్ క్లినిక్‌కు బెంగళూరుకు చెందిన కుక్క యజమాని సతీష్ దానిని సిటీకి తీసుకొచ్చాడు. దీంతో శునక ప్రియులు ఆ అరుదైన కుక్కను చూసేందుకు ఎగబడ్డారు. కుక్కతో ఫొటోలు దిగేందుకు పోటీ పడ్డారు. కొకేషియన్ షెఫర్డ్ బ్రీడ్‌కు చెందిన ఈ కుక్క విలువ 20 కోట్లు ఉంటుందని యజమాని ‎తెలిపారు.

అయితే ఈ అరుదైన జాతి కుక్కను రష్యా నుంచి ఇంపోర్ట్ చేసుకున్నట్లు తెలిపాడు. మూడేళ్ల వయస్సు కలిగిన ఈ కుక్క రోజుకు మూడు కిలోల చికెన్‌ను ఆహారంగా తీసుకుంటుందన్నారు. ప్రపంచవ్యాప్తంగా పలు ప్రదర్శనలతో పాటు పలు సినిమాల్లో కూడా నటించినట్లు వివరించారు. ఈ డాగ్ మెయింటెన్స్‌కు మూడు లక్షల వరకు ఖర్చు అవుతుందని సతీష్ తెలిపారు.