BJP MlAs: ప్రొటెం స్పీకర్ నిర్ణయాన్ని వ్యతిరేకిస్తూ బీజేపీ ఎమ్మెల్యేల ఆందోళన

BJP MlAs: అసెంబ్లీ 2 వ గేటు దగ్గర బీజేపీ ఎమ్మెల్యేలు ఆందోళనకు దిగారు. ప్రొటెం స్పీకర్‌గా అక్బరుద్దీన్‌ను నియమించడాన్ని బీజేపీ ఎమ్మెల్యేలు తప్పుబట్టారు. ఈరోజు అసెంబ్లీలో జరిగిన ఎమ్మెల్యేల ప్రమాణ స్వీకారాన్ని బహిష్కరించిన బీజేపీ ఎమ్మెల్యేలు.. అసెంబ్లీ ఆవరణలోని గాంధీ విగ్రహం దగ్గర ఆందోళన చేపట్టారు. అంతలోనే అక్కడి చేరుకున్న పోలీసులు బీజేపీ ఎమ్మెల్మేలను వారించారు.. దీంతో రెండో గేటు దగ్గర బైఠాయించిన నిరసన తెలిపారు. అక్బరుద్దీన్ ను ప్రొటెం స్పీకర్ నియామకంతోనే.. కాంగ్రెస్.. ఎంఐఎం ఒక్కటేనని అర్ధం అయ్యిందని మండిపడ్డారు. రజకార్ల వారసులను ప్రొటెం స్పీకర్‌గా ఎలా నియమిస్తారని బీజేపీ ఎమ్మెల్యేలు ఆగ్రహం వ్యక్తం చేశారు.