Rains in Telangana 2021: కేరళలో రుతుపవనాలు...తెలంగాణలో వర్షాలు

Rains in Telangana 2021: వచ్చేస్తున్నాయ్.. వచ్చేశాయ్.. చల్లటి గాలులతో రివ్వున వచ్చేస్తున్నాయ్ రుతుపవనాలు. గురువారం కేరళలలోకి నైరుతి రుతుపవనాలు ప్రవేశించాయి. ఆ ఎఫెక్టుతోనే హైదరాబాద్ తో సహా పలు ప్రాంతాల్లో వర్షాలు కురిశాయి. గురువారం, శుక్రవారం కూడా వర్షాలు కురవనున్నట్లు వాతావరణ శాఖ ప్రకటించింది.

రుతుపవనాలు మన రాష్ట్రంలోకి వచ్చేవారం రానున్నాయ్. వాతావరణశాఖ అంచనాల ప్రకారం.. ఈ సీజన్ లో సాధారణ వర్షపాతం నమోదు కానున్నది. బుధవారం ఆరుట్ల (రంగారెడ్డి జిల్లా)లో 4.5 సెంటీమీటర్లు, గచ్చిబౌలి (హైదరాబాద్)లో 4.5, ఎర్రారం (నల్గొండ జిల్లా)లో 4.4, దండుమైలారం (రంగారెడ్డి)లో 3.8, మాదాపూర్ (హైదరాబాద్) లో 2.6 సెంటీమీటర్ల వర్షం కురిసింది.