Nagarkurnool: స్కూల్ బస్సును ఢీ కొట్టిన ట్రాక్టర్‌.. ఆరుగురు చిన్నారులకు తీవ్ర గాయాలు

Nagarkurnool: నాగర్ కర్నూల్ జిల్లాలోని బిజినేపల్లి మండలం వట్టెం శివారులో స్కూల్ బస్సుకు ప్రమాదం జరిగింది. బిజినేపల్లి మేధాన్ష్ ప్రైవేట్ పాఠశాల బస్సును వట్టెం గ్రామ సమీపంలో ట్రాక్టర్ ఢీకొనడంతో స్కూల్ బస్ బోల్తా పడింది. దీంతో పలువురు చిన్నారులకు గాయాలయ్యాయి.

ఈ ఘటన జరిగిన సమయంలో బస్సులో మొత్తం 30 మంది చిన్నారులు ప్రయాణిస్తున్నారు. ప్రమాదం జరిగిన వెంటనే అటుగా వెళ్లే వాహనదారులు అప్రమత్తమై చిన్నారులను ఆసుపత్రికి తరలించారు. ప్రస్తుతం గాయపడిన పిల్లలు చికిత్స పొందుతున్నారు. ఆరుగురు చిన్నారులకు తీవ్రంగా గాయాలయ్యాయి.