Top
logo

తెలంగాణలో విస్తరిస్తున్న మరో వైరస్..భయం గుప్పిట్లో రైతులు

తెలంగాణలో విస్తరిస్తున్న మరో వైరస్..భయం గుప్పిట్లో రైతులు
X
ప్రతీకాత్మక చిత్రం
Highlights

Lumpy Skin Disease : అసలు ఏమైంది ఈ తెలంగాణ రాష్ట్రానికి 2020 ఏడాదిలో. ఒక వైపు చూస్తే భారీగా విస్తరిస్తున్న కరోనా కేసులు, మరో వైపు వారం రోజుల నుంచి ఎడతెరపిలేకుండా కురుస్తున్న వర్షాలు.

Lumpy Skin Disease : అసలు ఏమైంది ఈ తెలంగాణ రాష్ట్రానికి 2020 ఏడాదిలో. ఒక వైపు చూస్తే భారీగా విస్తరిస్తున్న కరోనా కేసులు, మరో వైపు వారం రోజుల నుంచి ఎడతెరపిలేకుండా కురుస్తున్న వర్షాలు. ఈ రెండింటితోనే రాష్ట్ర ప్రజలు అతలాకుతలం అవుతుంటే ఇప్పుడు మరో కొత్త వైరస్ తెలంగాణలోని ఆదిలాబాద్ ప్రజలను ఆందోళనకు గురి చేస్తుంది. అది ఏంటంటే లంపీ స్కిన్ అనే డిసీజ్ పశువులను వెంటాడుతోంది. ఒక మూగజీవి నుంచి ఈ వైరస్ మరో మూగజీవికి అతి వేగంగా వ్యాప్తి చెందడం, పశువైద్యశాలల్లో ప్రస్తుత పరిస్థితుల్లో వైద్య సిబ్బంది కొరత, మందులు అందుబాటులో లేకపోవడంతో రైతులు ఆందోళన చెందుతున్నారు. అయితే ఈ వైరస్ ఇంతకు ముందే మే-జూన్ నెలల్లో వనపర్తి జిలాల్లో విజృంభించి ఎన్నో జంతువులను అంటింది. అయితే ఇప్పుడు తాజాగా ఈ వైరస్ ఆదిలాబాద్ జిల్లాలో విజృంభిస్తూ జిల్లా రైతాంగాన్ని వణికిస్తోంది.

ఈ వ్యాధి బారిన పడిన మూగజీవాల చర్మంపై బొబ్బలు, బొడిపెలు వస్తున్నాయి. గత 40 రోజులుగా విస్తరిస్తున్న ఈ వైరస్ బారిన ఎక్కువగా ఆవులు, ఎద్దులు, దూడలకు సోకుతోంది. అయితే ఈ వ్యాధిని మొదట్లోనే గుర్తించి వాటికి చికిత్స అందిస్తే వ్యాధిని సులువుగా నయం చేయొచ్చు. ఇక ఈ వ్యాధి బారిన పడిన ఒక్కో పశువుకు రూ.1500 వరకు ఖర్చు చేసి మందులు కొనుగోలు చేయడం రైతులకు భారంగా మారింది. ప్రభుత్వ పశువైద్యశాలల్లో దీనికి సంబంధించిన మందులు, టీకాలు అందుబాటులో లేకపోవడంతో రైతులు ఈ ఇబ్బందులను ఎదుర్కొవలసిన అవసరం ఉంది. ఇప్పటికే తలమడుగులో ఆదివారం ఒక ఎద్దు లంపీ స్కిన్ కారణంగా చనిపోయింది. ఈ ఏడాది తొలి త్రైమాసికం వరకు ప్రభుత్వం మందులు సరఫరా చేసింది. పశువైద్యశాలల్లో సిబ్బంది కొరతతో రైతులు తీవ్ర ఇబ్బందులు ఎదుర్కొంటున్నారు. ఇక ఈ వైరస్ కారణంగా జూన్ నెలలో వనపర్తి జిల్లా మదనాపురం మండలం అజ్జకోలులో కొద్ది రోజుల వ్యవధిలోనే 11 మూగ జీవాలు లంపీ స్కిన్ డిసీజ్ కారణంగా చనిపోయాయి.



Web Titlelumpy skin disease spreading in adilabad district Telangana
Next Story