హైదరాబాద్ ఐఐటీ చౌకైన కరోనా కిట్!

హైదరాబాద్ లోని ఐఐటీ (ఇండియన్ ఇనిస్టిట్యూట్ ఆఫ్ టెక్నాలజీ) ఓ సరికొత్త టెస్టింగ్ కిట్ అభివృద్ధి చేసింది. ఈ టెస్టింగ్ కిట్ ద్వారా శరీరంలో కరోనా వైరస్ ఉంటే పసికట్టవచ్చని తెలిపింది. తక్కువ ఖర్చుతో దీనిని రూపొందించినట్ల వారు తెలిపారు. ఈ కిట్ ద్వారా కరోనా పరీక్ష చేస్తే కేవలం 20 నిమిషాల్లోనే ఫలితం తెలిసిపోతుందని, ఆర్టీ-పీసీఆర్ (రివర్స్ ట్రాన్స్ క్రిప్షన్ పాలీమెర్స్ చైన్ రియాక్షన్)కు ప్రత్యామ్నాయ విధానమని ఐఐటీ రీసెర్చర్లు వెల్లడించారు.

తక్కువకే తయారు చేసిన కేవలం ఈ కిట్ 550 రూపాయలేనని తెలిపింది. ఐసీఎంఆర్ అనుమతుల కోసం వేచి చూస్తున్నామని, ఐసీఎంఆర్ అనుమతులు లభిస్తే భారీ ఎత్తున కిట్లను తయారు చేస్తామని ఐఐటీ ఎలక్ట్రికల్ ఇంజనీరింగ్ విభాగం ప్రొఫెసర్ శివ్ గోవింద్ సింగ్ తెలియజేశారు. ఈ కిట్లు ఎక్కువ మొత్తంలో తయారు చేస్తే 350 రూపాయలకే అందించవచ్చని రీసెర్చర్లు వెల్లడించారు. టెస్టింగ్ కిట్లకు సంబంధించిన పరీక్షలకు ఈఎస్ఐసీ మెడికల్ కాలేజీలో పరీక్షించామని, ఈ కిట్ల ద్వారా చేసిన టెస్టులు విజయవంతం అయ్యాయని ఐఐటీ ఎలక్ట్రికల్ ఇంజనీరింగ్ విభాగం ప్రొఫెసర్ శివ్ గోవింద్ సింగ్ తెలిపారు.

"కరోనా వైరస్ టెస్టింగ్ కిట్ చాలా సులువుగా ఎక్కడికైనా తీసుకెళ్లవచ్చు. ఏ సమయంలోనైనా వినియోగించవచ్చు. ఇది ప్రస్తుతమున్న టెస్టుల విధానాలకు ప్రత్యామ్నాయం. కొవిడ్-19 జీనోమ్ ను ఇది సులువుగా కనుగొంటుంది" అని శివ్ గోవింద్ సింగ్ తెలిపారు. కాగా, కరోనా వైరస్ కు టెస్టింగ్ కిట్ ను అభివృద్ధి చేసిన రెండో భారత ఐఐటీ తెలంగాణకు చెందినది కావడం గమనార్హం.