హైదరాబాద్ మెట్రో కష్టాలు

హైదరాబాద్ నగరంలో మెట్రో సేవలు ప్రారంభమయిన నాటి నుంచి లాక్ డౌన్ ముందు వరకు లాభసాటిగానే నడిచింది. ప్రతి నిత్యం వేలాది మందిని వారి వారి గమ్యస్థానాలకు చేర్చుతుంది. కానీ ఎప్పుడైతే కరోనా లాక్ డౌన్ మొదలయిందో అప్పటి నుంచి మెట్రో నష్టాల్లో కూరుకుపోయింది. లాక్ డౌన్ సడలింపులు ఇచ్చిన తరువాత రైల్లు ప్రారంభం అయినా ప్రయాణికుల సంఖ్య తక్కువగా ఉండడంతో హైదరాబాద్ మెట్రో రైల్ లిమిటెడ్ (హెచ్‌ఎంఆర్‌ఎల్) నష్టాల్లో కొనసాగుతుంది. కరోనా వైరస్ విస్తరించకుండా ఉండేందుకు హెచ్‌ఎంఆర్‌ఎల్ ముందు జాగ్రత్త చర్యలు తీసుకుంటున్నప్పటికీ కరోనావైరస్ భయపడి ప్రజలు మెట్రోలో ప్రయాణించేందుకు నిరాకరిస్తున్నారని సమాచారం.

లాక్ డౌన్ కు ముందు మొత్తం 4 లక్షల మంది ప్రజలు అన్ని కారిడార్లలో మెట్రోలో ప్రయాణించేవారు. అలాగే, హెచ్‌ఎంఆర్‌ఎల్‌కు లాభాలు తెస్తామని చెబుతున్న మెట్రో స్టేషన్లలోని షాపింగ్ కాంప్లెక్స్‌లను ఇంకా అనేక స్టేషన్లలో తెరవడం లేదు. ఏదేమైనా రాష్ట్రంలో ప్రస్తుతం ఉన్న కరోనావైరస్ పరిస్థితి కారణంగా రెవెన్యూ రోజుకు 70,000-80,000 కు పడిపోయింది. అన్ని మెట్రో స్టేషన్లలోని శానిటైజేషన్ పనులు కూడా నష్టాలను పెంచాయి. శానిటైజేషన్ పనులను చేపట్టడం, కొంతమంది ప్రయాణీకుల కోసమే రైళ్లను నడపడం మెట్రోను మరింత నష్టాల్లోకి నెడుతుంది. మొత్తం 160 రోజులు మెట్రో రైళ్లను నిలిపివేసిన తరువాత హైదరాబాద్ మెట్రో రైలుకు రూ .260 కోట్ల నష్టం వాటిల్లింది. మెట్రోకు ప్రభుత్వం నుంచి ఆర్థిక సహాయం వస్తే హైదరాబాద్ మెట్రోను ప్రభుత్వం స్వాధీనం చేసుకుంటే నష్టాలను పూడ్చుకుంటామని మెట్రో అధికారులు తెలిపారు.