తెలుగు రాష్ట్రాల్లో సూర్యప్రతాపం.. నేడు 43 మండలాల్లో తీవ్ర వడగాలులు

Weather Report: ఏపీలో భానుడు తన ప్రతాపాన్ని చూపుతున్నాడు. మరో ఐదు రోజుల పాటు ఎండలు తీవ్రంగా ఉండనున్నాయి. ఉక్కపోతతో పాటు ఎండల తీవ్రత పెరిగింది. ప్రజలు అప్రమత్తంగా ఉండాలని వాతావరణశాఖ సూచించింది. తెలంగాణలో ఉష్ణోగ్రతలు స్వల్పంగా తగ్గాయి. తెలంగాణలో వచ్చే 3 రోజులు తేలికపాటి వానలు కురవనున్నాయి. పలుచోట్ల ఉరుములు, మెరుపులతో కూడిన వర్షం పడనుందని వాతావరణశాఖ తెలిపింది.

దేశంలోని అనేక ప్రాంతాల్లో రాబోయే ఐదు రోజుల పాటు ఎండతోపాటు వేడిగాలులు కొనసాగుతాయని భారత వాతావరణ విభాగం తెలిపింది. ఈ నేపథ్యంలో ప్రధానంగా పశ్చిమ బెంగాల్, ఒడిశా, జార్ఖండ్, బీహార్‌లోని పలు ప్రాంతాల్లో వేడి పరిస్థితులు కొనసాగుతాయని వెల్లడించింది. గాలిలో అధిక తేమ కారణంగా కోస్తా ఆంధ్రప్రదేశ్, తమిళనాడు, పుదుచ్చేరి, కర్నాటక, గోవా, కేరళ, పశ్చిమబెంగాల్, బీహార్‌లలో ప్రజలు ఇబ్బందులు ఎదుర్కొంటారని సూచించింది.