Metro Travel వాట్సాప్ ద్వారా మెట్రో టికెట్ ఎలా బుక్ చేయాలి? స్టెప్ బై స్టెప్ ప్రాసెస్ ఇదే

Metro Travel: ఈ డిజిటల్ ప్రపంచంలో మెట్రో ప్రయాణం మరింత సులువైపోయింది. ఇప్పుడు టికెట్ తీసుకోవడానికి లాంగ్ క్యూలలో నిలబడాల్సిన అవసరం లేదు. కేవలం వాట్సాప్ ద్వారా మెట్రో టికెట్‌ను సులభంగా బుక్ చేసుకోవచ్చు. హైదరాబాద్ మెట్రోతో పాటు, మరికొన్ని నగరాల్లో కూడా ఈ సదుపాయం ఇప్పటికే ప్రారంభమైంది. దీనివల్ల నిమిషాల్లోనే మీ మొబైల్ నుంచే టికెట్ తీసుకోవచ్చు. వాట్సాప్ ద్వారా మెట్రో టికెట్ బుక్ చేసుకునే పూర్తి ప్రక్రియ ఏంటో వివరంగా తెలుసుకుందాం.

ఇది ఒక డిజిటల్ సర్వీస్. ఇందులో మీరు వాట్సాప్ ద్వారా చాట్‌బాట్‌కు మెసేజ్ పంపి, మెట్రో టికెట్‌ను బుక్ చేసుకోవచ్చు. ఈ ప్రక్రియ పూర్తిగా డిజిటల్, సేఫ్. ఇందుకోసం మొబైల్‌లో వాట్సాప్ ఇన్‌స్టాల్ అయి, యాక్టివ్‌గా ఉండాలి. ఇంటర్నెట్ కనెక్షన్ తప్పనిసరి. ఫోన్‌లో చెల్లింపుల కోసం UPI లేదా డెబిట్ కార్డు వంటి ఆప్షన్లు ఉండాలి.

వాట్సాప్ ద్వారా మెట్రో టికెట్ ఎలా బుక్ చేయాలి?

స్టెప్ 1: నంబర్‌ను సేవ్ చేసుకోండి

మొదటగా, మీ స్మార్ట్‌ఫోన్‌లో హైదరాబాద్ మెట్రో రైల్ కార్పొరేషన్ వాట్సాప్ నంబర్ ‪+91 8341146468‬ను సేవ్ చేసుకోండి. మీరు వేరే నగరంలో ఉంటే, ఆ నగరం మెట్రో సర్వీస్ అధికారిక వాట్సాప్ నంబర్‌ను వారి వెబ్‌సైట్‌లో చెక్ చేసి సేవ్ చేసుకోండి.

స్టెప్ 2: చాట్‌బాట్‌కు మెసేజ్ చేయండి

ఆ తర్వాత, వాట్సాప్ ఓపెన్ చేసి, మీరు సేవ్ చేసుకున్న ఆ నంబర్‌కు "Hi" అని గానీ, లేదా "Ticket" అని గానీ టైప్ చేసి పంపండి.

స్టెప్ 3: ట్రావెల్ డీటెయిల్స్ పంపాలి

ఇప్పుడు చాట్‌బాట్ మీకు కొన్ని ఆప్షన్లను అందిస్తుంది. వాటిలో మీరు మీ ట్రావెల్ డీటెయిల్స్ అందించాలి. "From Station": మీరు ఎక్కడి నుంచి ప్రయాణం మొదలుపెట్టాలనుకుంటున్నారు?. "To Station": మీరు ఎక్కడికి వెళ్లాలనుకుంటున్నారు?.. మీ ప్రయాణ తేదీ, సమయాన్ని సెలక్ట్ చేసుకోవాలి. మీరు ఎంత మందికి టికెట్లు బుక్ చేయాలనుకుంటున్నారో ఆ నంబర్ ఎంటర్ చేయాలి.

స్టెప్ 4: పేమెంట్ చేయాలి

మీరు వివరాలు పూర్తి చేసిన తర్వాత, మీకు పేమెంట్ ఆప్షన్లు కనిపిస్తాయి. UPI, డెబిట్/క్రెడిట్ కార్డ్ వంటి వాటిలో పేమెంట్ చేయాలి

స్టెప్ 5: QR కోడ్ టికెట్ పొందండి

పేమెంట్ సక్సెస్ అయిన తర్వాత ఒక QR కోడ్ ఉన్న టికెట్ వాట్సాప్ చాట్‌లో వస్తుంది. ఈ QR కోడ్‌ను మెట్రో స్టేషన్ ఎంట్రీ గేట్ వద్ద స్కాన్ చేసి, మీ ప్రయాణాన్ని ప్రారంభించవచ్చు.