Mohammad Azharuddin: నేనేమైనా మూర్ఖుడినా? HCAతో యుద్ధానికి దిగిన అజహరుద్దీన్!

Mohammad Azharuddin: మాజీ టీమిండియా కెప్టెన్ మొహమ్మద్ అజహరుద్దీన్ పేరు హైదరాబాద్ రాజీవ్ గాంధీ ఇంటర్నేషనల్ స్టేడియంలోని నార్త్ స్టాండుపై నుంచి తొలగించాలన్న ఆదేశంపై తీవ్రంగా స్పందించాడు. ఆయన ప్రస్తుతం తెలంగాణ హైకోర్టును ఆశ్రయించేందుకు సిద్ధమవుతున్నాడు. హైదరాబాద్ క్రికెట్ అసోసియేషన్‌కు చెందిన లార్డ్స్ క్రికెట్ క్లబ్ చేసిన ఫిర్యాదు ఆధారంగా హెచ్ఎసీఏ అంబుడ్స్‌మన్ జస్టిస్ ఈశ్వరయ్య (రిటైర్డ్) ఈ ఉత్తర్వులు జారీ చేశారు. ఫిర్యాదులో అజహర్ తన అధ్యక్ష పదవిని దుర్వినియోగం చేశారని, అసోసియేషన్‌లోకి వచ్చిన కొద్దిరోజులకే డిసెంబరు 2019లో తాను అధ్యక్షుడిగా ఉన్న సమయంలో స్వయంగా తన పేరును స్టాండుపై పెట్టించుకున్నట్లు ఆరోపణలు వచ్చాయి.

అయితే అజహర్ ఈ ఆరోపణలను పూర్తిగా ఖండించారు. ఇప్పటికే తన పదవీ కాలం ముగిసిపోయిందని, ఇప్పుడు జారీ చేసిన ఉత్తర్వులకు చట్టపరంగా విలువ లేదన్నారు. ఆయన ప్రకారం, అంబుడ్స్‌మన్ పదవీకాలం ఫిబ్రవరి 18, 2025తో ముగిసిపోయిందని, AGM జరిగే వరకూ పదవీకాలం పొడిగింపు సాధ్యపడదని తెలిపారు. ఆ నేపథ్యంలో జారీ చేసిన ఉత్తర్వు అమాన్యమని అన్నారు.

ఆసోసియేషన్ ఆటగాళ్లకు గౌరవం ఇవ్వడం లేదని ఆయన విమర్శించారు. అబిద్ అలీ, టైగర్ పటౌడి, ఎంఎల్ జైసింహా వంటి దిగ్గజాల పేర్లను తొలగించాలంటే అదే హచ్ఎస్ఏ అంటారు. అజహర్ మాట్లాడుతూ, లాక్ష్మణ్ పేరు తొలగించానని కొన్ని వర్గాలు ఆరోపిస్తున్నా, అది పూర్తిగా అసత్యమని తెలిపారు. నార్త్ స్టాండ్లో లాక్ష్మణ్ పేరిట పావిలియన్ ఇంకా ఉందని చెప్పారు.

క్రికెట్‌ కెరీర్‌ పరంగా చూస్తే అజహరుద్దీన్ 99 టెస్టులు, 334 వన్డేలు ఆడి 15,593 పరుగులు చేశాడు. అందులో 29 సెంచరీలు, 79 అర్ధ సెంచరీలు ఉన్నాయి. 2000లో బంగ్లాదేశ్‌లో జరిగిన పాకిస్థాన్‌తో మ్యాచ్‌ ద్వారా తన అంతర్జాతీయ కెరీర్‌కు ముగింపు పలికాడు. ప్రస్తుతం అజహర్ తన పేరు తొలగించే ఆదేశాన్ని నిలిపివేయాలని కోరుతూ హైకోర్టును ఆశ్రయించనున్నట్టు చెప్పారు. ఇది కేవలం వ్యక్తిగత ప్రతీకారం కింద తీసిన నిర్ణయమని, ఆటగాళ్ల గౌరవాన్ని నాశనం చేయడమే లక్ష్యంగా ఉన్న కుట్రని ఆయన అభిప్రాయపడ్డారు.