కోల్‌కతా నైట్‌రైడర్స్ హెడ్‌కోచ్‌గా మెక్‌కలమ్

కోల్‌కతా నైట్‌రైడర్స్ హెడ్‌కోచ్‌గా మెక్‌కలమ్
x
Highlights

ఐపీఎల్‌లో కోల్‌కతా నైట్‌రైడర్స్ హెడ్‌కోచ్‌గా న్యూజిలాండ్ మాజీ కెప్టెన్ బ్రెండన్ మెక్‌కలమ్ ని నియమించారు. 2016‌లో అంతర్జాతీయ క్రికెట్‌కి రిటైర్మెంట్ ప్రకటించిన ఈ మాజీ ఓపెనర్ ప్రైవేట్ టీ20 లీగ్స్‌లో కొనసాగాడు. అయితే, 2019 ఐపీఎల్ సీజన్‌‌లో ఇతనిని ఫ్రాంచైజీలు పట్టించుకోలేదు.

ఐపీఎల్‌లో కోల్‌కతా నైట్‌రైడర్స్ హెడ్‌కోచ్‌గా న్యూజిలాండ్ మాజీ కెప్టెన్ బ్రెండన్ మెక్‌కలమ్ ని నియమించారు. 2016‌లో అంతర్జాతీయ క్రికెట్‌కి రిటైర్మెంట్ ప్రకటించిన ఈ మాజీ ఓపెనర్ ప్రైవేట్ టీ20 లీగ్స్‌లో కొనసాగాడు. అయితే, 2019 ఐపీఎల్ సీజన్‌‌లో ఇతనిని ఫ్రాంచైజీలు పట్టించుకోలేదు. ఈ నేపధ్యంలో 2020 ఐపీఎల్‌‌ని మెక్‌కలమ్ పర్యవేక్షణలోనే కోల్‌‌కతా నైట్‌రైడర్స్ ఆడనుందని ఆ జట్టు ఫ్రాంఛైజీ తాజాగా ప్రకటించింది.

ఐపీఎల్ తొలి సీజన్ లో సంచలనం..

బెంగళూరులోని చిన్నస్వామి స్టేడియం వేదికగా 2008, ఏప్రిల్ 18న కోల్‌కతా నైట్‌రైడర్స్, రాయల్ ఛాలెంజర్స్ బెంగళూరు జట్ల మధ్య మ్యాచ్‌తో ఐపీఎల్ తొలి సీజన్ ప్రారంభమైంది. ఈ మ్యాచ్‌లో కోల్‌కతా తరఫున బరిలోకి దిగిన మెక్‌కలమ్ (158 నాటౌట్: 73 బంతుల్లో 10x4, 13x6) విధ్వంసక శతకంతో చెలరేగాడు. దీంతో.. మొదట బ్యాటింగ్ చేసిన కోల్‌కతా 20 ఓవర్లలో 3 వికెట్ల నష్టానికి 222 పరుగులు చేయగా.. ఛేదనలో బెంగళూరు 15.1 ఓవర్లలో 82 పరుగులకే ఆలౌటైంది. అభిమానులకి ఐపీఎల్ మజాని పరిచయం చేసిన మ్యాచ్‌గా ఇది చరిత్రలో నిలిచిపోయింది.

ఇప్పుడు మెక్‌కలమ్ ఆ జట్టుకే హెడ్ కోచ్ గా వస్తుండడం జట్టుకి బలం ఇస్తుందనడంలో సందేహం లేదు. వచ్చే సీజన్ లో కోల్ కత నైట్ రైడర్స్ సంచలనాలు సృష్టిస్తుందేమో చూడాలి.


Show Full Article
Print Article
More On
Next Story
More Stories