IND vs ENG 4th T20 Weather : నేడు భారత్-ఇంగ్లాండ్ మధ్య నాల్గవ టీ20.. పూణేలో వాతావరణం ఎలా ఉందంటే?

IND vs ENG 4th T20 Weather : భారత్, ఇంగ్లాండ్ జట్ల మధ్య ఐదు టీ20ల సిరీస్‌లో భాగంగా నాలుగో మ్యాచ్ పుణెలో జరగనుంది. భారత కాలమానం ప్రకారం రాత్రి 7 గంటలకు మ్యాచ్ ప్రారంభం కానుంది. సూర్యకుమార్ యాదవ్ నేతృత్వంలోని భారత జట్టు సిరీస్ గెలవాలని లక్ష్యంగా పెట్టుకుంది. అదే సమయంలో.. జోస్ బట్లర్ నేతృత్వంలోని ఇంగ్లాండ్ ఈ మ్యాచ్ గెలిచి సిరీస్‌ను సమం చేయాలనుకుంటుంది.. కానీ ప్రస్తుతానికి అభిమానుల మనస్సుల్లో ఉన్న అతిపెద్ద ప్రశ్న ఏమిటంటే శుక్రవారం పూణేలో వాతావరణం ఎలా ఉంటుంది? నాల్గవ టీ20 మ్యాచ్‌లో వర్షం విలన్‌గా మారుతుందా?. శుక్రవారం పూణేలో వాతావరణం ఎలా ఉంటుందో తెలుసుకుందాం..

శుక్రవారం పూణేలో వాతావరణం ఎలా ఉంటుంది?

అక్యూవెదర్ ప్రకారం, శుక్రవారం పూణే ఆకాశం స్పష్టంగా ఉంటుంది. క్రికెట్ అభిమానులకు శుభవార్త ఏమిటంటే వర్షం పడే అవకాశం లేదు. నగరం గరిష్ట ఉష్ణోగ్రత 34 డిగ్రీల సెల్సియస్ వరకు ఉంటుంది. కనిష్ట ఉష్ణోగ్రత 10 డిగ్రీల సెల్సియస్ ఉంటుంది.

సిరీస్ గెలవాలని భావిస్తున్న భారత్

భారత కాలమానం ప్రకారం మ్యాచ్ రాత్రి 7 గంటలకు ప్రారంభమవుతుంది. ప్రస్తుతం 5 టీ20ల సిరీస్ 2-1తో భారత్ ఆధిక్యంలో ఉంది. భారత జట్టు మొదటి రెండు మ్యాచ్‌ల్లో ఇంగ్లాండ్‌ను ఓడించింది, కానీ దీని తర్వాత, మూడవ మ్యాచ్‌లో జోస్ బట్లర్ నేతృత్వంలోని ఇంగ్లాండ్ జట్టు భారత జట్టును ఓడించింది.

భారత్ ప్లేయింగ్ ఎలెవన్

సంజు సామ్సన్ (వికెట్ కీపర్), అభిషేక్ శర్మ, తిలక్ వర్మ, సూర్యకుమార్ యాదవ్ (కెప్టెన్), హార్దిక్ పాండ్యా, అక్షర్ పటేల్, రమణ్‌దీప్ సింగ్, వాషింగ్టన్ సుందర్/ధృవ్ జురెల్, అర్ష్‌దీప్ సింగ్, మహమ్మద్ షమీ, వరుణ్ చక్రవర్తి.

ఇంగ్లాండ్ ప్లేయింగ్ ఎలెవన్

బెన్ డకెట్, ఫిల్ సాల్ట్ (వికెట్ కీపర్), జోస్ బట్లర్ (కెప్టెన్), హ్యారీ బ్రూక్, లియామ్ లివింగ్‌స్టోన్, జేమీ స్మిత్, జేమీ ఓవర్టన్, బ్రైడాన్ కార్స్, జోఫ్రా ఆర్చర్, ఆదిల్ రషీద్, మార్క్ వుడ్.