FIFA Women's World Cup 2023: ప్రపంచకప్కు ఆతిథ్యం ఇవ్వనున్న ఆస్ట్రేలియా, న్యూజిలాండ్ !
FIFA Women's World Cup 2023: మహిళల ఫుట్బాల్ ఫిఫా 2023లో ప్రపంచకప్కు ఆస్ట్రేలియా, న్యూజిలాండ్ దేశాలు సంయుక్తంగా ఆతిథ్యం ఇవ్వనున్నాయి.
FIFA Women's World Cup 2023: మహిళల ఫుట్బాల్ ఫిఫా 2023లో ప్రపంచకప్కు ఆస్ట్రేలియా, న్యూజిలాండ్ దేశాలు సంయుక్తంగా ఆతిథ్యం ఇవ్వనున్నాయి. ఈ మెగా ఈవెంట్ కు ఆతిథ్యం ఇచ్చేందుకు కొలంబియా కూడా బిడ్ దాఖలు చేసింది. అయితే ఆతిథ్య హక్కుల కోసం గురువారం ఫిఫా కౌన్సిల్లో జరిగిన ఓటింగ్లో ఈ ఆసీస్, కివీస్లు దేశాలు కొలంబియాను 22-13 తేడాతో ఓడించాయి.
ఫిఫా అధ్యక్షుడు గియాని ఇన్ఫాంటినో మాట్లాడుతూ.. 2023 ప్రపంచ కప్ న్యూజిలాండ్, ఆస్ట్రేలియా దేశాలు
గురువారం ప్రకటించారు. రెండు దేశాల్లో కలిపి మొత్తం 12 నగరాల్లోని 13 స్టేడియాల్లో ఈ మ్యాచ్లు జరగనున్నాయి. ప్రపంచకప్ మ్యాచ్లు 2023, జూలై 10 నుంచి ఆగస్టు 10 వరకు జరుగుతాయని ఆయన వెల్లడించారు.
అయితే 2023లో జరగనున్న ప్రపంచకప్లో 32 జట్లు పాల్గొంటాయి.2019లో ఫ్రాన్స్ వేదికగా జరిగిన ప్రపంచకప్లో 24 జట్లు తలపడ్డాయి. ఈ సారి మొత్తం 32 జట్లను ఎనిమిది గ్రూపులుగా విభజిస్తారు. ప్రతి గ్రూప్లో 4 జట్లు ఉంటాయి. ఇక మహిళల ఫుట్బాల్ ప్రపంచకప్కు సంబందించిన క్వాలిఫయింగ్ మ్యాచులు వచ్చే ఏడాది ప్రారంభం కానున్నాయి. మహిళల ఫుట్బాల్ ప్రపంచకప్ను అమెరికా జట్టు అత్యధికంగా నాలుగుసార్లు గెలుపొందింది. గత రెండు ప్రపంచకప్లలో (2019, 2015) అమెరికా విజయం సాధించింది.
ఈ ఏడాది నవంబరు 2 నుంచి 21 వరకు భారత్లో అండర్-17 మహిళల ఫుట్బాల్ ప్రపంచకప్ టోర్నీ జరగాల్సింది. అయితే ప్రపంచాన్ని వణికిస్తున్న కరోనా వైరస్ కారణంగా వచ్చే ఏడాది ఫిబ్రవరి 17 నుంచి మార్చి 7 వరకు టోర్నీని నిర్వహించనున్నారు. మెగా టోర్నీలో మొత్తం 16 జట్లు పాల్గొంటున్నాయి. ఆతిథ్య హోదాలో భారత మహిళల జట్టు నేరుగా ప్రపంచకప్కు అర్హత సాధించింది.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire