Asian Games: 41 ఏళ్ల తర్వాత గుర్రపు స్వారీ లో స్వర్ణ పతకం.. చరిత్ర సృష్టించిన భారత్..!

Asian Games Hangzhou: చైనాలోని హాంగ్‌జౌలో జరుగుతున్న ఆసియా క్రీడల (Asian Games-2023) మూడో రోజు భారత్ భారీ విజయాన్ని అందుకుంది. ఆసియా క్రీడలు 2023 మూడో రోజు గుర్రపు స్వారీలో భారత్ స్వర్ణ పతకం సాధించింది. ఆసియా క్రీడలు 2023లో భారత్‌కు ఇది మూడో బంగారు పతకం. దీంతో భారత్ ఖాతాలో 3 స్వర్ణాలు, 4 రజతాలు, 7 కాంస్యాలతో కలిపి మొత్తం 14 పతకాలు ఉన్నాయి.

చరిత్ర సృష్టించిన భారత్..

మంగళవారం హాంగ్‌జౌలో జరుగుతున్న ఆసియా క్రీడల్లో గుర్రపు స్వారీ పోటీలో టీమ్ డ్రెస్సేజ్ ఈవెంట్‌లో అగ్రస్థానంలో నిలిచిన భారత్.. బంగారు పతకం కోసం 41 ఏళ్ల నిరీక్షణకు తెరపడింది. దివ్యకీర్తి సింగ్, హృదయ్ విపుల్ ఛెడ్ (కెమ్‌క్స్‌ప్రో ఎమరాల్డ్), అడ్రినలిన్ ఫిర్‌ఫోడ్ రైడింగ్ చేస్తున్న అనుష్క అగర్వాలా (ఎట్రో) మొత్తం 209.205 శాతం స్కోర్‌తో అగ్రస్థానంలో నిలిచారు.

41 ఏళ్ల తర్వాత గుర్రపు స్వారీలో బంగారు పతకం..

సుదీప్తి హజెలా కూడా జట్టులో భాగమైంది. అయితే మొదటి ముగ్గురు ఆటగాళ్ల స్కోర్లు మాత్రమే లెక్కించారు. చైనా జట్టు 204.882 శాతం స్కోరుతో రెండో స్థానంలో నిలవగా, హాంకాంగ్ 204.852 శాతం స్కోరుతో కాంస్య పతకాన్ని గెలుచుకుంది. డ్రస్సేజ్ ఈవెంట్‌లో టీమ్ గోల్డ్ మెడల్ గెలవడం క్రీడా చరిత్రలో ఇదే తొలిసారి. డ్రెస్సేజ్‌లో భారత్ చివరిసారిగా 1986లో కాంస్య పతకాన్ని సాధించింది.

భారత్ చివరిసారిగా 1982లో న్యూఢిల్లీలో జరిగిన ఆసియా క్రీడల్లో గుర్రపు స్వారీలో స్వర్ణ పతకాన్ని సాధించింది. అంతకుముందు, చైనాలోని హాంగ్‌జౌలో జరుగుతున్న ఆసియా క్రీడల మూడో రోజున, సెయిలర్ నేహా ఠాకూర్ భారత్‌కు రజత పతకాన్ని అందించింది. సెయిలింగ్‌లోనే ఇబాద్‌ అలీ కాంస్య పతకం సాధించాడు. మంగళవారం భారత హాకీ జట్టు బలమైన ఆటను కనబరిచింది. ఆ జట్టు 16-1 తేడాతో సింగపూర్‌పై విజయం సాధించింది. అంతకుముందు ఉజ్బెకిస్థాన్‌పై కూడా 16 గోల్స్ చేసింది.